“ჩაუშვებენ” თუ არა “ოცნებას” “არასანდო პოლიტიკოსები”? – რას ამბობს კახა კალაძე

დედაქალაქის მერმა და “ქართული ოცნების”გენერალურმა მდივანმა,  კახა კალაძემ ე.წ. მესამე რაუნდის დასრულებამდე განაცხადა:

„რაც შეეხება მესამე რაუნდს, შეხვედრები მიმდინარეობს. დაველოდოთ, როგორ წარიმართება, თუ მოხდება კონსესუსის მიღწევა, გაირკვევა მომდევნო დღეების განმავლობაში.კიდევ ერთხელ მინდა გავუსვა ხაზი, რომ მოლაპარაკებები, რაც მიმდინარეობს ფასილიტატორი ელჩების ჩართულობით, მგონი, ყველას აქვს შეთანხმება აღებული, რომ ეს შეთანხმება, ვიდრე ბოლომდე არ იქნება მიღწეული და არ იქნება ხელმოწერილი, დეტალებზე საუბრისგან თავი უნდა შევიკავოთ. თუმცა, სამწუხაროდ, მიზანმიმართულად ხდება ინფორმაციების გამოტანა და აქაც კარგად ჩანს, რომ ეს პოლიტიკოსები არიან არასანდოები, როგორც ზოგადად ქვეყნის შიგნით, ისე ჩვენ საერთაშორისო მეგობრებისთვის.რაც შეეხება კონკრეტულ ჩანაწერებს, რაზეც აპელირება მიდის, ჯერ ერთი ხელისუფლებას არანაირი უფლებამოსილება არ აქვს იმის, რომ ვიღაცა გაათავისუფლოს და გამოუშვას, ეს სასამართლოს გადასაწყვეტია. სასამართლო მიიღებს გადაწყვეტილება. რაც შეეხება არჩევნების ხელახალ ჩატარებას, კიდევ ერთხელ ვიმეორებ, ამის არანაირი საფუძველი არ არსებობს“, – განაცხადა კალაძემ.

“ალია” შეგახსენებთ, რომ “არასანდო” პოლიტიკოსების შეხვედრა დასრულდა და მათ ჯერ არანაირი დეტალი არ გაუხმაურებიათ, ასე რომ ვთქვათ, არავინ “ჩაუშვიათ”

რა ითქვა დღეს, დახურულ შეხვედრაზე ისეთი, რომ ქართული ოცნების ლიდერები, ჯერ კიდევ შეხვედრის დასრულებამდე ამბობდნენ, ეს არ უნდა გახმოვანდესო, ამ დრომდე უცნობია.

ხალხი, რომლის ხმებსაც ახლა აშშ-ს ელჩის კაბინეტში იყოფენ და ვერ იყოფენ, ამბობს, მალე კანონპროექტს მიიღებენ, რომლის მიხედვითაც “ჩაშვება” დასჯადი გახდებაო და რა გითხრათ…