პოლიტოლოგი, ლევან ლორთქიფანიძე:
სტუმარ-მასპინძლობაზე ლაპარაკობს კაცი, რომელსაც ჩააცვა, დაახურა, აჭამა, ასვა გერმანიის სახელმწიფომ, და თავად თბილისში ჩამოსულ ბუნდესტაგის დელეგაციას არც კი შეხვდა, არ მცალიაო … სამაგიეროდ, მეორე დღეს მალაიზიის პარლამენტის ზედა პალატის მესამე ვიცე-სპიკერს შეეგება ცხელ-ცხელი ხაჭაპურებითა და ფელამუშით.
სტუმარ-მასპინძლობაზე ლაპარაკობს კაცი, რომლის თანამებრძოლმა დეპუტატმა სააკაშვილის ხელისუფლებიდან წამთრევ, ათას ორასი წლის სენატორს, ქ-ნ ჯინ შაჰინს “ჩათლაშკა” ეძახა (პარდონ!)…ხალხო, სტუმარ-მასპინძლობა კი არა, პირველად საქართველოს მეორე რესპუბლიკის ისტორიაში, პირველად (!), საქართველოს ხელისუფლებას გამარჯობას არ ეუბნებიან, ხელს არ ართმევენ, არ ელაპარაკებიან, წაქცეული რომ ნახონ სადმე ნიუ-იორკში ჩვენი რომელიმე ლიდერი, არავინ ფეხზე არ წამოაყენებს და წყალს არ დაალევინებს …
ხალხო, მართლა ძალიან სახიფათოა ასე მარტო, იზოლაციაში ყოფნა რუსეთთან და სხვა ავტორიტარულ რეჟიმებთან. დამაბრალებთ, ბოღმა გალაპარაკებსო, არა! განვიცდი, ძალიან განვიცდი… არ დაგვიმსახურებია ჩვენ რუსეთთან და ჰასან ნასრალასთან პირისპირ დარჩენა…
კომენტარები