“ეს კითხვა ეკუთვნის ბიძინა ივანიშვილს. მე როგორ უნდა გიპასუხოთ ამაზე?” – ასე პასუხობს პარლამენტის თავმჯდომარე კითხვას, ბრუნდება თუ არა მესამედ ბიძინა ივანიშვილი ქართულ პოლიტიკაში.
შალვა პაპუაშვილი ამბობს, რომ ბიძინა ივანიშვილი პოლიტიკური გადაწყვეტილების მიღებაში არ ერევა:
„სხვათა შორის, საუბარი არის ხოლმე, თითქოს ბიძინა ივანიშვილი ერევა პოლიტიკური გადაწყვეტილებების მიღებაში და მისი კარნახით ხდება რაღაც გადაწყვეტილებების მიღება. დაასახელონ, რომელი არის ის გადაწყვეტილება, რომელსაც საქართველოს ხელისუფლება არ მიიღებდა ისე, როგორც მიიღო.
ერთი მაგალითი თქვან, რომ „ამ გადაწყვეტილებას ხელისუფლება არ მიიღებდა, რომ არა კარნახი“. რომელი არის ისეთი ნეგატიური გადაწყვეტილება, როგორც ისინი ამას უყურებენ, რომელსაც საქართველოს ხელისუფლება არ მიიღებდა? ყველა გადაწყვეტილების უკან დგას საქართველოს მთავრობა, დგას საპარლამენტო უმრავლესობა. რაც მთავარია, ყველა ამ გადაწყვეტილების უკან დგას საქართველოს მოსახლეობა და ის მანდატი, რომელიც ჩვენს ხელისუფლებას აქვს. ამაზე მეტყველებს როგორც მხარდაჭერა ხელისუფლების მიმართ, ისე ზოგადად მოსახლეობის განწყობა“
კომენტარები