“ბრიტანეთ-პოლონეთ-უკრაინის სავარაუდო ფორმატი, რომელსაც აშშ გაუმაგრებს ზურგს…” – ბატიაშვილი

აღმოსავლეთმცოდნე, რონდელის ფონდის მკვლევარი, ზურაბ ბატიაშვილი:

დასავლეთის მიერ უკრაინისთვის გაწეული დახმარება მხოლოდ შეიარაღებას არ მოიცავს.
ასეთ სიტუაციაში სასიცოცხლოდ მნიშვნელოვანია სწორი და დროული სადაზვერვო ინფორმაციის მოპოვება, რათა შესაბამისად მოემზადო ამათუიმ მიმართულებაზე საბრძოლველად.
ამ წუთებში ერთდროულად 3 ამერიკული სადაზვერვო თვითმფრინავი დაფრინავს უკრაინის საჰაერო სივრცესა და შავ ზღვაზე.
აქედან ერთი მუშაობს ბელარუსის, მეორე რუსეთ-უკრაინის საზღვრის და დონბასის , მესამე კი – ყირიმის მიმართულებაზე.
ამერიკელები პირდაპირ რეჟიმში უზიარებენ მოპოვებული ინფორმაციას უკრაინელებს.
უკრაინა მარტო არ არის!

დღეს ბრიტანეთის საგარეო საქმეთა მინისტრმა ლიზ თრასმა წამოაყენა სამხრივი (ბრიტანეთ-პოლონეთ-უკრაინა) ფორმატის შექმნის იდეა, რომელსაც აშშ გაუმაგრებს ზურგს.
ჯერჯერობით ამ ფორმატის დეტალები არ ვიცით. მაგრამ ერთი ცხადია, სანამ ჩვენი და უკრაინის ნატოში გაწევრიანება ამ ეტაპზე (გერმანიის პოზიციის გამო) ვერ ხერხდება, მუდმივად უნდა ვიფიქროთ უსაფრთხოების ალტერნატიულ იდეებზე.
არა მხოლოდ უნდა ვიფიქროთ, არამედ უნდა ვიმოქმედოთ, როგორც ეს ქვეყნები აკეთებენ.
საქართველოს მთავრობა, როდისმე მაინც გაიღვიძეთ!