არქიმანდრიტი ილია თოლორაია საპატრიარქოში პატრიარქის თანამოსაყდრე მეუფე შიომ და ასევე, მეუფე თეოდორემ დაიბარეს. არქიმანდრიტი ილია თოლორაია საპატრიარქოში მის მოძღვართან ერთად, არქიმანდრიტ დოროთე ყურაშვილთან ერთად მივიდა, თუმცა შენობაში თავად არქიმანდრიტი დოროთე არ შეუშვეს და შეხვედრას მხოლოდ არქიმანდრიტი ილია თოლორაია დაესწრო.
,,შევედი საპატრიარქოში. ოთახში იყო მეუფე შიო, მეუფე თეოდორე, მამა მიქაელ ბოტკოველი. მეუფე შიომ მითხრა, რომ რა განცხადებებიც გავაკეთე, ეს იყო ეკლესიის, პატრიარქის შეურაცხყოფა და ეს უნდა მოინანიოო. თავიდან საუბარსაც არ მაცდიდნენ და ჩემგან ითხოვდნენ ერთ სიტყვას „მოინანიე და გადი“. მე არ გავჩერდი. პატრიარქთან შეხვედრას ვითხოვ-მეთქი მე. საუბრის დროს შემოდის მამა ანდრია და ასეთი ტონით მეუბნება, რომ გადი გარეთ…მე ვუთხარი, უკვე გასაგებია, ანუ ფაქტიურად მე გამომაგდეს, ბოლომდე არ მასაუბრეს, ჩემი სიტყვები არ მოისმინეს და გამოსვლის დროს, მიჯიკავებს, მაწვება ხელით. მე ვუთხარი, რატომ მიჯიკავებთ-მეთქი და უცბად შეცბა…თან ისეთი ტონით მესაუბრება, ალბათ უშიშროებაში ისწავლა ის ტონი …მე არანაირ სინანულს არ ვითხოვ! მე განვმტკიცდი იმ აზრზე, რომ რუსეთისგან ხარ მოგზავნილი, მეუფე შიო” – თქვა საპატრიარქოდან გამოსვლის შემდეგ, არქიმანდრიტმა ილია თოლორაიამ.(მთავარი)
კომენტარები