„ბოლო ზარი აქციაზე“ – ამ სახელწოდებით, „უცხოური გავლენის გამჭვირვალობის შესახებ კანონის“ მოწინააღმდეგეთა აქცია დღეს, 18:00 საათზეა დაანონსებული. აქციის მონაწილეები განათლების სამინისტროდან პარლამენტის მიმართულებით „ახალგაზრდების მარშს“ გამართავენ.
“ერთად აღვნიშნოთ ბოლო ზარი აქციაზე თეთრი პერანგებით. წამოვიღოთ ფერად-ფერადი მარკერები და ბუშტები. ვეპატიჟებით, რა თქმა უნდა, სკოლის მოსწავლეებს, მასწავლებლებს, მშობლებს და ნებისმიერ მსურველს”, – წერენ აქციის ორგანიზატორები.
რაც შეეხება გუშინდელ აქციას, დაანონსებული იყო საბურთალოს რაიონში სამი შეკრების ადგილი, თუმცა, ეს აქციები არ შედგა. რეზონანსული კანონის მოწინააღმდეგეები მხოლოდ ევროპის მოედანზე შეიკრიბნენ, შემდეგ კი ევროკავშირისა და საქართველოს დროშები მშვიდობის ხიდზე გადმოფინეს. საბოლოოდ მომიტინგეები რუსთაველის გამზირზე დაბრუნდნენ და იქ განაგრძეს პროტესტი.
კომენტარები