“ბოდიში და ფეხებზეც მკიდია… სამოქალაქო არეულობად არ გეჩვენებათ, რომ ქართველი ახალგაზრდების ნაწილი დაბოლილია?” – სააკაშვილი

საქართველოს მესამე პრეზიდენტმა მიხეილ სააკაშვილმა “მთავარი არხის” ეთერში, გადაცემაში “მთავარი აქცენტები” განაცხადა, რომ – “მე არ ვაპირებ ხელისუფლებაში მოსვლას. მე ვაპირებ დავეხმარო ახალ ძალებს მოვიდნენ ხელისუფლებაში.”

ამასთან, მან გადაცემში საუბრისას მის მიერ გაკეთებული განცხადებასთან დაკაშირებით პოლიტიკოსებების შეფასებებზეც ისაუბრა და თქვა, რომ მათი კომენტარები არ აინტერესებს.

“საერთოდ არ მაინტერესებს პოლიტიკოსების კომენტარები. ბოდიში და ფეხებზეც მკიდია… სამოქალაქო არეულობად არ გეჩვენებათ, რომ ქართველი ახალგაზრდების ძაან დიდი ნაწილი უბრალოდ დაბოლილია? და იმიტომ კი არა, რომ ქართველები მიდრეკილი არიან ნარკოტიკების მიმართ, სრული სისულელეა ეს. იმიტომ რომ საქმე არ აქვთ, იმიტომ რომ ბირჟაზე დგანან, იმიტომ რომ საქართველო არის პირველ ხუთეულში მსოფლიოში, დანარჩენ ოთხ აფრიკულ ქვეყანასთან ერთად უმუშევრობის მაღალი დონით. …თქვენ არ გეჩვენებათ სამოქალაქო არეულობად ის, რომ ჩემს დროს სტატუსშეჩერებული სტუდენტი გადაუხდელობის გამო 2 800 იყო, ახლა იცით რამდენია, 43 ათასი. ეს არ არის არეულობის წყარო? რაში მაინტერესებს ვინ პოლიტიკოსი რას ამბობს,” – განაცხადა მიხეილ სააკაშვილმა.

შეგახსენებთ, ცოტა ხნის წინ ექსპრეზიდენტმა, მიხეილ სააკაშვილმა სოციალური ქსელის საშუალებით მიმართვა გაავრცელა, სადაც ის საქართველოში ჩამოსვლის შესახებ საუბრობს და ამბობს, რომ ის ქვეყანაში თვითმართველობის არჩევნებზე ჩამოვა.