“ბიზნესი 2 წელი არ ამუშავდება, ვაქცინა ფიზიკურად არ არის – მოემზადეთ მესამე ტალღისთვის” – გიორგი ფხაკაძე

საზოგადოებრივი ჯანდაცვის ექსპერტმა, გაეროს გენერალური მდივნის და ვაქცინებისა და იმუნიზაციების გლობალური ალიანსის მრჩეველი გიორგი ფხაკაძე კიდევ ერთ მიმართვას ავრცელებს:

“ვიღაცა შემოგვიტანს ვაქცინას, ვიღაცა გვაჩუქებსო, ამბობენ – როგორც ყველა დაქცეული ქვეყანა მიიღებს ვაქცინას, ისე მიიღებს საქართველოც.

ნუ ვიტყუებთ თავს, ვაქცინა რომ შემოვა, ის ვერ იქნება ის საშუალება, რომელიც დაგვიცავს ვირუსისგან, აცრა მოუწევს მხოლოდ და მხოლოდ 10 პროცენტს მოსახლეობის! ვაქცინა ფიზიკურად არ არის, სანამ მდიდარი ქვეყნები არ აიცრებიან, ვაქცინა არ იქნება საქართველოში. ჯერ სანამ გადაწყდება, რომელი ვაქცინა იქნება, მერე ჩამოვა, მერე გეგმა.

მესამე ტალღა იქნება აპრილში, მოემზადეთ ამისთვის და აი, რა უნდა გააკეთოთ, ვისაც საშუალება გაქვთ, წადით ქალაქგარეთ, გადასახლდით ქალაქიდან, რაც შეიძლება შორს, რომ სუფთა ჰაერზე იყოთ. საქართველოში თითქმის ყველას გვაქვს სოფელი და მიწა.

ბიზნესი არ ამუშავდება 2 წელი – თუ ამუშავდება, მაგას რა სჯობს, მაგრამ არ ამუშავდება. მე გეუბნებით რაც არის ფაქტი და რეალობა. თავს ნუ იტყუებთ, ნუ იღებთ ტყუილად კრედიტებს.

არავის ვაშინებ, რეალობას გეუბნებით. მოემზადეთ, ხალხო, მოემზადეთ.”