თურქეთში ჩარჩენილი 19 სტუდენტი დახმარებას ითხოვს. ისინი დილის 9 საათიდან გოგჩენის აეროპორტში იმყოფებიან, გერმანიაში თურქიშის ავიახაზებით უნდა გაფრენილიყვნენ, თუმცა 20 წუთით ადრე აეროპორტში უთხრეს,რომ მათ არ ჰქონდათ ვიზა და ისინი გერმანიაში ვერ წავიდოდნენ.
სტუდენტები ამტკიცებენ, რომ ყველანაირი დოკუმენტაცია მათ შორის, კონკრეტული კომპანიების სამუშაო მოწვევაც აქვთ. მათი თქმით, აეროპორტში უხეშად და აგრესიულად ექცევიან და ეუბნებიან, რომ საკუთარ ქვეყანაში დაბრუნდნენ.
“პრობლემა წარმოქმნა თურქიშ ერლაინმა, ფრენამდე დავდექით საკითხის წინაშე, რომ თურმე ჩვენ ვერ გადავალთ იმიტომ, რომ არ გვაქვს ვიზა. არადა ჩვენ ვართ 19 სტუდენტი, მივდიოდით გერმანიაში საზაფხულო სამუშაოზე, გვაქვს ყველა საბუთი. ბილეთები გაგვიუქმეს, ტრანსფერზე დაგვიქენსელეს, ვსხედვართ ასე გამოკიდებულები, არც თანხა დაგვიბრუნეს”, – განაცხადა სტუდენტმა დავით ჭადაშვილმა.
დახმარების თხოვნით მათ უკვე საქართველოს საელჩოსაც მიმართეს.
კომენტარები