“ბიძინე-ვაჭრის მომენტია” – კაკაბაძე ამტკიცებს, რომ პოლიციელებმა ყალბი ჩვენებები მისცეს სასამართლოს

კეკელიძის ქუჩაზე გამოსახლების გაპროტესტების დროს დაკავებული ირაკლი კაკაბაძის სასამართლო პროცესი გადაიდო.

დღევანდელ სხდომაზე მისული ირაკლი კაკაბაძე ამბობს, რომ პოლიციელებმა ყალბი ჩვენებები მისცეს სასამართლოს, რადგან ის სულ სხვა პირებმა დააკავეს:

“რაც შეეხება ჩვენს მხარეს, ჩვენ ნივთმტკიცება გვაქვს და დაბეჯითებით ეს ნივთმტკიცება ვაჩვენეთ მოსამართლეს დღეს, ამას ვაჩვენებთ ტელევიზიებსაც და ყველა ნახავს, ვინ დამაპატიმრა, როგორ და რანაირად.

ჩემი აზრით, დიდი შეცდომა იყო იმ ადამიანის არმოყვანა, ვინც მე დამაპატიმრა, ეს ორი ადამიანი არ არის ის, ვინც მე დამაპატიმრა, ესენი იყვნენ ის ხალხი, ვინც ჩემთან ერთად იჯდა მანქანაში.

დღეს ძალიან გაუგებარია, რატომ დაავალეს მათ ამ ჩვენების მიცემა იმაზე, რომ დამაპატიმრეს მე – ესეც ბიძინე-ვაჭრის მომენტია და ამიტომ გვჭირდება სწორედ აზდაკის სასამართლო,“ – ამბობს ირაკლი კაკაბაძე.