ლევან ჯავახიშვილი
“ალიას” ესაუბრება ადვოკატი, ზაზა ხატიაშვილი.
– ბატონო ზაზა, საქმე იქეთკენ მიდის, რასაც თქვენ და სხვა ადამიანები ლაპარაკობდით, ის ხალხი, ვისაც გული შეგტკივათ ამ ქვეყანაზე. ვგულისხმობ ისევ არნახულ მიგრაციას, ვგულისხმობ, საქართველოს ქართველებისგან დაცლას, რასაც მიზანმიმართულად აკეთებს ხელისუფლება. ბოლოს დარჩება მცირე რაოდენობის ხალხი, რომლებიც ამ ოლიგარქებსა და მათთან დაახლოებულ ბიზნესმენებს მოემსახურება. ვფიქრობ, ეს გეგმა მართლა იყო მიზანმიმართულად ანხორციელებენ?
– ბიძინა ივანიშვილი მაგისთვის ჩამოიყვანეს საქართველოში და დასვეს ქვეყნის მმართველად. კაცო, წეღან არ გითხარი, ხალხს უცხოეთში ეპატიჟებოდა სამუშაოდ და მგზავრობის ხარჯსაც სახელმწიფო იღებდა საკუთარ თავზე? ეს ივანიშვილმა არ თქვა? კი, თქვა. რაც ხდება ემიგრაციისა და სოციალური კუთხით, ჩემი აზრით, ეს არის ერის მიზანმიმართული გენოციდი. ამ საქმეში ისევ ოპოზიციური ძალები ეხმარებიან ივანიშვილს, რომლებიც საბოლოოდ, ყველაფერს “უპრავებენ” მას და მის პარტიას. ოპოზიცია პარლამენტში რომ არ შესულიყო, დამთავრებული იყო ივანიშვილის რეჟიმი, მაგრამ ადგნენ და შეცვივდნენ. ჩემი აზრით, ამაში ივანიშვილმა მათ დიდი ფული გადაუხადა. ხალხი, ქვეყანა და მათი მომავალი. უკაცრავად და ფეხებზე ჰკიდიათ. არჩევნები დაინიშნება და კიდევ ეს პარტიები მიიღებენ ხმას, რადგან სხვებს საშუალება არ გააჩნიათ ხალხს ხმა მიაწვდინონ. პრესა უთმობს იმ ადამიანებს თუ პოლიტიკურ გაერთიანებებს ადგილს, ვინც კოჰაბიტაციის მოწინააღმდეგეა, ქართული პოლიტიკური სივრციდან ამ ორი ნაგვის – “ნაცმოძრაობისა“ და „ქართული ოცნების“ გატანის მომხრეა. თუმცა, გაზეთებს აქვს ჩვენში, 5 და 10 ათასი და ეს არის ძალიან ცოტა. საზოგადოების ძალიან მცირე ნაწილი იგებს რეალობას, სიმართლეს და იმ ხალხის არსებობაც ცოტამ იცის, ვისაც ამ კოჰაბიტაციის დასრულება სურს და შეუძლია. სამაგიეროდ, იმ ტელევიზიებს ასეულ ათასობით ადამიანი უყურებს და სჯერათ იმ სიცრუისა, რასაც ეუბნებიან, სჯერათ, რომ ამ ქვეყნად ამ ორი პოლიტიკური ძალის გარდა, სხვა არავინ არსებობს.
…მე ვიტყოდი, მოჯადოებული წრეა და ეს წრე, ადრე თუ გვიან, გაირღვევა. ქართველი ხალხი დაამარცხებს ბიძინა ივანიშვილს და მის ოლიგარქებს, მისი ძალაუფლების წყაროს, „ნაცმოძრაობას“. როდის? ეს ჯერ არ ვიცი, მაგრამ ღმერთი რომ არ გაგვწირავს, ამაში დარწმუნებული ვარ. ივანიშვილის რეჟიმი დამარცხდება და ივანიშვილიც, მისი გარემოცვის წევრებიც, ვინც ქვეყანა ასეთ დღეში ჩააგდო, პასუხს აგებენ თავიანთი იმ დანაშაულებების გამო, რაც ჩადენილი აქვთ.
“ნაცმოძრაობა მთავარი ოპოზიციური ძალა კი არა, ოპოზიციურიც კი არ არის” –
კომენტარები