სამოქალაქო აქტივისტი, კახა მიქაია სოციალურ ქსელში წერს:
„ციკლიდან: ,,ბიძინა და მისი როიალი”
სანამ ირაკლი კობახიძე გახარიაზე და არა მარტო მასზე, მორიგ ,,სიბრძნეს” მიმოაფრქვევდეს ქვეყანასა ზედა, მინდა საზოგადოებას კიდევ ერთხელ მოვუწოდო მის მიმართ სოლიდარობისკენ…
მართალაც,
ძნელია,
მოშლილი, კლავიატურაჩავარდნილი როიალის ფუნქციას ასრულებდე ,,ქვეყნის ინტერესებიდან” გამომდინარე და, ამ დროს, ქალბატონი ელისო ბოლქვაძე ისევ დაჟინებით მოითხოვდეს პარლამენტში ლაპლაპა როიალის დადგმას, ბეთჰოვენისა და მოცარტის აჟღერებას დეპუტატებისთვის სულიერი განწყობის ამაღლების მოთხოვნით…
სხვათაშორის, არსებობენ გამონაკლისებიც, მაგალითად,
ინგირელ სენატორად წოდებული, ზუგდიდელი პარლამენტარი-ედიშერ თოლორაია, მოცარტისა და ბეთჰოვენის მოსმენის გარეშე, ამაღლდა ჯერ საკუთარ თავზე, მერე სხვა დეპუტატებზე, ბოლოს, პარლამენტის შენობაზე და ,,ქართული ოცნების” ზუგდიდის პარტიული ორგანიზაციის თავმჯდომარის რანგში, ,,ამაღლებული” დაუბრუნდა მშობლიურ ინგირს…
კონკურენცია, თანამედროვე მსოფლიოში, განვითარებისა და კეთილდღეობის საფუძველთა-საფუძველია,
მაგრამ
კ ო ნ კ უ რ ე ნ ც ი ა
ბოლქვაძის როიალთან, მითუმეტეს პარლამენტში შემომხტარი ,,ქეციანი” ოპოზიციის თვალწინ, რომელმაც თავის მხრივ სიმებმოშვებული ვიოლინოს როლი ისევ ,,ქვეყნის ინტერესებიდან” გამომდინარე, წარმატებით მოირგო და ცდილობს, ჯერ კიდევ ბევრისთვის პასუხგაუცემელ კითხვას, ვისი ვიოლინო ვის როიალშია, სავარაუდო პასუხი გასცეს, ვფიქრობ, კონკურენციისა არა და, დისკრიმინაციის ნიშნებს ნამდვილად შეიცავს…
სწორედ ამიტომ, განჭვრიტა რა საკუთარი მომავალი, კობახიძემ თავის გუნდთან ერთად, ყველაფერი გააკეთა, რომ პარლამენტს თავის დროზე ანტიდისკრიმინაციული კანონი (რომელსაც მეც ვემხრობი), მიეღო…
მაგრამ რა?!…“
კომენტარები