“ბავშვთა სამყაროსთან მოვხვდი… სისხლიანი ბანერი გამოუკრავთ იქაც” – ნინო ჯანგირაშვილი

“კავკასიის” გენერალური დირექტორი ნინო ჯანგირაშვილი სოციალურ ქსელში პოსტს აქვეყნებს:

“დღეს ვაგზალზე, ბავშვთა სამყაროსთან მოვხვდი. სისხლიანი ბანერი გამოუკრავთ იქაც. იმ ბანერის ქვეშ ხუთასი მეტრის რადიუსში ზამთარ–ზაფხულ ასობით ადამიანი აუტანელ სიცხეში თუ ყინვაში ლუკმა პურის მოსაპოვებლად იტანჯება. ხან თბილისის მერია არბევს, ხედს აფუჭებთო, გარე ვაჭრობა რა გოიმობააო, ხან პოლიცია არბევს, ხან პანდემიის გამო უკრძალავენ მუშაობას, თვიდან თვემდე ბანკის ვალებს ძლივს ფარავენ. ყველას ფეხებზე კიდია მათი პრობლემები, წლიდან წლამდე. მხოლოდ მაშინ ახსენდებათ, თუ აღმოაჩენენ რომ რაღაც დიდ პროექტს ხელს უშლიან და მიადგებიან ხოლმე დასარბევად. აქ არის ნამდვილი საქართველო, გატანჯული, დამშეული, უიმედო და უპერსპექტივო, წამებასთან გათანაბრებული ფიზიკური შრომით გათანგული ადამიანები. და ამ ხალხთან რომ მეტი სათქმელი არაფერი გაქვს, სისხლიან ბანერს გამოუკრავ და ამით გინდა ფონს გასვლა. ქოცებო, თქვე უსისხლოებო, უტვინოებო, უნამუსოებო!”