“ბატონო შარმანაშვილო, მინდა გაგახსენოთ თქვენი უახლოესი წარსული” – სანდრო ბრეგაძე “ოცნების” დეპუტატს

სასაცილოა სატირალი რომ არ იყოს

ბატონო შარმანაშვილო, მინდა გაგახსენოთ თქვენი უახლოესი წარსული – 1992 წელს თქვენ, თქვენმა მეგობრებმა, თქვენმა პარტია “ ე დ პ “ – ჯერ ზარბაზანი ესროლეთ კანონიერ ხელისუფლებას, შემდეგ დიდუბის მეტროსთან და 2 თებერვალს ცირკთან მშვიდობიანი მომიტინგეები დაცხრილეთ “კალაშნიკოვებით “ , ააწიოკეთ – დაარბიეთ – სისხლში ჩაახშვეთ სამეგრელო, მტერს ჩააბარეთ აფხაზეთი და მთელი საქართველო დაანგრიეთ, გაძარცვეთ და გააპარტახეთ

პუტჩი, სამხედრო-კრიმინალური გადატრიალება, მიტინგების დახვრეტა და სამოქალაქო ომი თქვენი შემოქმედებაა და მაინტერესებს ერთი როდის შემდეგ შეგძულდათ და გეშინიათ სიტყვა – “სამოქალაქო ომის“

ბატონო შარმანაშვილო, პირადად თქვენ და თქვენმა დამნაშავე პარტია ე დ პ – მ სისხლში აბანავეთ მთელი საქართველო, კანონიერი პრეზიდენტი სამეგრელოს ტყეში მოკალით , უამრავი მშვიდობიანი დემონსტრანტი დახვრიტეთ, ციხეებში პატიმრები აწამეთ , მშვიდობიანი მოსახლეობა დააყაჩაღეთ და გაძარცვეთ, რუსი ოკუპანტი ბალტინის მხარდამხარ ქართველი პატრიოტები დახოცეთ, სამშობლო გაყიდეთ, ქართველ ერს უღალატეთ – დღეს გყოფნით თავხედობა და სამოქალაქო ომზე ხმის ამოღებას ბედავთ

სინამდვილეში და რეალურად თუ ვინმეს სურს, რომ სამოქალაქო ომი, პუტჩი, სამხედრო გადატრიალება აღარასოდეს განმეორდეს – პუტჩისტები, ხუნტის ჯალათები, მხედრიონელები, კიტოვანის ბანდიტები, ჭანტურიას ბანდიტური ბანდის ლიდერები, შევარდნაძის უკანალის მლოკველები კი არ უნდა იყოთ ხელისუფლებაში, არამედ თქვენს მიერ განხორციელებული სამხედრო გადატრიალების გამო უნდა გასამართლდეთ და ყველა პუტჩისტს (ისევე როგორც 1945 წლის შემდეგ გერმანიაში ფაშისტური პარტიის წევრებს ) აგეკრძალოთ ხელისუფლებასა თუ პოლიტიკაში ყოფნა

სანამ ჯაბა იოსელიანის მიერ გამოზრდილი მკვლელები, კიტოვანის ყაჩაღები, შევარდნაძის მოღალატეების კასტა, ე დ პ – ს ხუნტის ჯალათები — საქართველოს ხელისუფლებას წარმოადგენენ — მანამდე ამ ქვეყანაში არც სამართალი იქნება , არც მშვიდობა, არც პოლიტიკური გამარჯვება და არც რენესანსი

ცნობისთვის, „ოცნების“ დეპუტატი თენგიზ შარმანაშვილი ევროკავშირის ელჩის, პაველ ჰერჩინსკის განცხადებას ეხმაურება:

„ეს იყო ყოველგვარ ზღვარს გადასული განცხადება, რადგან სამოქალაქო ომზე დაიწყო საუბარი. ეს არ არის მშვიდობიანი დამხობა და რაღაც სახელმწიფო ხელისუფლების ორგანოების ბლოკირება ან ამ თემაზე ლაპარაკი – პირდაპირ სიტყვა ომი ახსენა. საქართველოს მოსახლეობაში ყოვლად დაუშვებელია ასეთი ტიპის განცხადებების, შანტაჟისა და მუქარის გავრცელება.

…როდესაც ჩვენ ომით და სისხლისღვრით გვემუქრებიან, უკიდურესად დაპირისპირებული ადამიანებიც კი შეიძლება ერთად დადგნენ. ასე რომ, აქაურებს, ვინც შეიძლება ამ ბლაჟევიჩის ავანტიურაში გაეხვას [ეს რაღაც ერთიანი სურათი ჩანს], ვაფრთხილებ, რომ ძალიან მძიმედ დამთავრდება ყველასთვის – მერე არ თქვან, რომ პოლიტპატიმრები ვართ ან მსგავსი რაღაცები. ადრეც ვაფრთხილებდით ხოლმე, რომ არ გააკეთოთ ეს, მაგრამ ეს იმაზე ათჯერ უარესია. აქ სამოქალაქო ომზე და ერთმანეთის სისხლის დაღვრაზე გველაპარაკებიან. ეს უპასუხოდ არ დარჩება. საქართველოს სახელმწიფო იმოქმედებს კანონის შესაბამისად”,