„სტრატეგია აღმაშენებლის” ლიდერმა, დეპუტატმა გიორგი ვაშაძემ შინაგან საქმეთა მინისტრ ვახტანგ გომელაურს მიმართა:
„მძიმე ვითარებაა ქვეყანაში, მე ვფიქრობ, ახლა იმის ჭიდილს, რომ ამ შემთხვევაში გავაგრძელებ [სხდომას], იმ შემთხვევაში არ გავაგრძელებ, აზრი არ აქვს. ბატონი ვახტანგი რომ მოსულიყო 5 ივლისამდე, როცა ჩვენ მას ვთხოვეთ მოსვლა პარლამენტში, დარწმუნებული ვარ არ მოხდებოდა ის უბედურება, რაც მოხდა ქვეყანაში. იმიტომ, რომ მას მოუწევდა გაცილებით მეტი პრევენციული ზომების გატარება, რადგანაც ჩვენც გვქონდა ინფორმაცია და მით უმეტეს მას ჰქონდა ინფორმაცია ამასთან დაკავშირებით. მე ვფიქრობ, რომ ჟურნალისტებში აბსოლუტურად ბუნებრივია ეს პროტესტი.
“სტრატეგია აღმაშენებელი” ასევე საგამოძიებო კომისიის შექმნას აინიცირებს.
ხათუნა სამნიძის თქმით, “ქართული ოცნების” ხელისუფლებას არ აქვს პასუხები იმ ძალადობაზე რომელსაც თბილისის ქუჩებში ჰქონდა ადგილი, ამიტომაც დღევანდელი სხდომა ჩაშალა, შს მინისტრი პარლამენტიდან გაიპარა და ერთადერთი გამოსავალი საზოგადოებამ მიიღოს კითხვებზე პასუხი სწორედ საპარლამენტო საგამოძიებო კომისიაა.
შეგახსენებთ, პარლამენტში დღეს ვახტანგ გომელაურის გამოსვლა ჩაიშალა. მმართველი გუნდის გადაწყვეტილებით სხდომა შეწყდა. მმართველი გუნდი, სხდომის შეწყვეტაში ოპოზიციას აანაშაულებს.
კომენტარები