ბათუმში „მსხვილ ინვესტორად“ წარდგენილი თომას შუ სინამდვილეში ტაივანელი მინგ ჩინ ჰსუა – პირი, რომელიც საკუთარ ქვეყანაში ნარკოდანაშაულისთვის იძებნება – ფლანგვის დეტექტორი

ბათუმში „მსხვილ ინვესტორად“ წარდგენილი თომას შუ სინამდვილეში ტაივანელი მინგ ჩინ ჰსუა – პირი, რომელიც საკუთარ ქვეყანაში ნარკოდანაშაულისთვის იძებნება. – სტატიას ,,ფლანგვის დეტექტორი” ავრცელებს.

შუს საქმიანობა უკავშირდება „Lixin Group“-ს, რომელიც ბათუმის „დინამოს“ ასპონსორებდა და ქველმოქმედებაში მნიშვნელოვან თანხებს ხარჯავდა, საქართველოში პოზიტიური იმიჯის შესაქმნელად.

გაეროს ანგარიშისა და ჟურნალისტური გამოძიების მიხედვით, „ლიქსინთან“ დაკავშირებული ქსელი აზიაში ნარკოტრეფიკინგში, უკანონო აზარტულ თამაშებსა და კიბერთაღლითობაში არის ჩართული.

„ლიქსინის“ სახელს უკავშირდება ბათუმის სანაპიროზე დაგეგმილი ყველაზე მაღალი ცათამბჯენი – „ჰალციონ თაუერსი“, რომლის მშენებლობაც დაანონსებიდან ოთხი წლის შემდეგაც არ დაწყებულა. მის მფლობელობაშია ასევე თბილისის ბიზნესცენტრი „პირიმზე“.