ბათუმში კორონავირუსით ინფიცირებულთა რაოდენობა ორით გაიზარდა.
აჭარის ჯანდაცვის მინისტრის მოადგილის, ნინო ნიჟარაძის განცხადებით, ინფიცირებულთაგან ერთი სარფის საბაჟოზე გუშინ შემოვიდა, მეორე კი საკარანტინო სივრცეში იმყოფებოდა.
კლინიკა „მედალფაში“ 37 პაციენტი მკურნალობს. კლინიკა უკვე დატოვა გამოჯანმრთელებულმა მედდამ, რომელიც ბათუმში პაციენტისგან დაინფიცირდა.
„დღეს ორი ახალი ლაბორატორიულად დადასტურებული შემთხვევა დაგვემატა, ორივე საკარანტინე ზონიდან-იმპორტირებული შემთხვევა. მათ შორის ერთ-ერთი გუშინ იმპორტორებულია, იგი სარფის საბაჟოდან „ცხელების ცენტრში“ იყო გადამისამართებული. მეორე შემთხვევა კი დაახლოებით ერთი კვირაა საკარანტინე ზონაში იყო. მას მოსახლეობასთან კომუნიკაცია არ ჰქონია და შესაბამისად კონტაქტები არა ჰყვას. გუშინ 102 ლაბორატორიული კვლევა ჩატარდა და ეს ორი ახალი შემთხვევა გადვემატა. კლინიკა „მედალფაში“ 37 ინფიციტებული მკურნალობს, ერთი კი უკვე განიკურნა“, – განაცხადა ნინო ნიჟარაძემ.
ამასთან, მისივე თქმით, ქობულეთის კლასტერში 34 დადასტურებული შემთხვევაა, მათთან კონტაქტში მყოფი კი 530 პირია გამოვლენილი. სოფელ გვარას მოსახლეობას დაუმთავრდა თვითიზოლაციის პერიოდი. მათ ჩაუტარდათ, განმეორებით ტესტორება და ისინი თვითიზოლაციის რეჟიმისგან გათავისუფლდნენ. ქობულეთის კლასტერიდან კი ახალი კონტაქტი არ დამატებიათ.
„საკარანტინე სივრცეში კი 1 500 პირი გვყავს მოთავდებული, ხოლო 3 300-ზე მეტმა ეს სივრცე დატოვა, უკანასკნელ პერიოდში საკარანტინე სივრცეს ვინც ემატება, შანსია, რომ ინფიცირება გამოვლინდეს. სამედიცინო პერსონალის გამოკვლევა იგეგმება და ამ გეგმაზე ჩვენ ვმუშაობთ“, – განაცხადა ნინო ნიჟარაძე.
კომენტარები