ბათუმში კაცი პედაგოგი სკოლიდან ორსულობის მუხლით გაათავისუფლეს

2,670

ბათუმის მე-16 სკოლის კაცი პედაგოგი სამსახურიდან ორსულობის მუხლით გაათავისუფლეს. მამია მჟავანაძემ გათავისუფლებაზე განცხადება 22 იანვარს ჯერ თავად დაწერა იმ მოტივით, რომ მასზე დირექციისგან ზეწოლა ხორციელდებოდა, 10 დღის შემდეგ კი სკოლიდან მიუვიდა ცნობა, რომ სამსახურიდან გათავისუფლებულია საქართველოს შრომის კოდექსის 37-ე მუხლის საფუძველზე.

საქართველოს ორგანული კანონით:

საქართველოს შრომის კოდექსი მუხლი 37. შვებულება ორსულობისა და მშობიარობის გამო, შვებულება ბავშვის მოვლის გამო
1. დასაქმებულს თავისი მოთხოვნის საფუძველზე ეძლევა ორსულობისა და მშობიარობის გამო ანაზღაურებადი შვებულება 126 კალენდარული დღის ოდენობით, ხოლო მშობიარობის გართულების ან ტყუპის შობის შემთხვევაში − 143 კალენდარული დღის ოდენობით.

მჟავანაძე ამბობს, რომ მას ბრალად სდებდნენ, დისციპლინურ დარღვევებში.

სკოლის ადმინისტრაცია ამბობს, რომ ტექნიკური შეცდომა მოხდა, რომელიც უკვე გამოსწორებულია და 37-ეს ნაცვლად, გათავისუფლების ბრძანებაში 47-ე მუხლი უნდა ყოფილიყო მითითებული.

შეგახსენებთ, მსგავსი ფაქტი ოზურგეთშიც მოხდა.