უშიშროების ყოფილი მინისტრი, ვალერიან ხაბურძანია, სოციალურ ქსელში, პროფესორ მასწავლებელის პეტიციას ეხმაურება:
“კანონის უზენაესობისა და სხვა ფუძემდებლური პრინციპების ასეთი ფორმალური, შინაარსისგან დაცლილი და არასწორი განმარტება, სრულიად აცდენილია იმ ღირებულებებს, რომლისკენაც ჩვენი ქვეყანა მიისწრაფვის…”
ამას წერენ სამართლის დოქტორები, პროფესორები. საინტერესოა როგორია “მათმიერი” კანონის უზენაესობის არაფორმალური, შინაარსიანი და სწორი განმარტება?!
ამას აწერენ ხელს ის პედაგოგ-მეცნიერები, რომლებიც მათი რანგიდან გამომდინარე, ირაკლი ბათიაშვილი რომ სატელეფონო გამხნევებისთვის დაიჭირეს, არა თუ ბალღები იყვნენ, უზენაეს სასამართლოს “ხელმძღვანელობდნენ” კუბლაშვილის სახით,
ამას ხელს აწერს ავთანდილ დემეტრაშვილი, რომელიც რაც თავი მახსოვს სულ და ყველაფერს ხელს აწერს.
Fiat iustitia, et pereat mundus, dura lex, sed lex (ეჭვი მაქვს არ გეცოდინებათ და გითარგმნით “დაე აღსრულდეს მართლმსაჯულება(სამართლიანობა), თუნდაც დაიქცეს მთელი სამყარო” “მკაცრია კანონი, მაგრამ კანონია”) და მერე მოდის დანარჩენი პრინციპები და ეს ხელისუფლება იმაში კი არ არის “დამნაშავე” რომ კანონი აღასრულა, იმაშია დამნაშავე რომ პოლიტიკური წინააღმდეგობა კანონში (სასამართლოს გადაწყვეტილებაში) გადაზარდა და ამით შექმნა პოლიტიკური დევნის საფუძველი.
და არც ამ დოქტორ-პროფესორთა პოლიტ-პეტიცია იქნებოდა პრობლემა, რომ არა ის ფორესტოლიზმი რითაც ეს ღრმადჰუმანური არზაა გამსჭვალული(ცნობისათვის ჯეიმს ფორესტოლი, აშშ პირველი თავდაცვის მინისტრი, რომელიც ფსიქიკური პრობლემების გამო და გავრცელებული ვერსიით, ყვირილით რუსები მოდიან გადახტა კლინიკის მარალი სართულიდან).
სამართლის დოქტორი და საქართველოს სამხედრო ძალების გენერალ-ლეიტენანტი ვალერიან ხაბურძანია”
კომენტარები