ბაკურიანში, 39 წლის კაცს ხელში ფეიერვერკი აუფეთქდა, რის შედეგად მას, ფაქტობრივად, მტევნები ჰქონდა მოწყვეტილი. დაშავებულს ნეიროქირურგიული ოპერაცია თბილისში, ღუდუშაურის კლინიკაში ჩაუტარდა. შ”სამხრეთის კარიბჭის” ინფორმაციით, ემთხვევა 12 იანვარს, ღამით მოხდა.
სასტურმოს ტიპის საცხოვრებელი სახლის, „კრისტალ რეზიდენსის“ მენეჯერის, ანა მარქაროვის თქმით, შემთხვევა დაშავებული კაცის საცხოვრებელ სახლში მოხდა.
„თავისივე კუთვნილ ბინაში აღნიშნავდა დაბადების დღეს. ისროდა ფოიერვერკს. აივნიდან, პირველი გასროლის შემდეგ ხელში აუფეთქდა. ხელის მტევნები დაუზიანდა. პირველადი დახმარება ბაკურიანში გაეწია და შემდეგ თბილისში გადაიყვანეს, დღეს დილით გაუკეთეს ოპერაცია. სხვა არავინ დაშავებულა. ოპერაციის დროს ერთი თითი ვერ შეუნარჩუნეს. სტაბილური მდგომარეობა აქვს ახლა და პალატაში გადაიყვანეს“, – აცხადებს ანა მარქაროვი.
რეგიონული ჯანდაცვის ცენტრის ბაკურიანის კლინიკის მენეჯერის, მაკა ვიბლიანის განცხადებით, დაშავებული კლინიკაში შოკურ მდგომარეობაში, 00:01 საათზე შეიყვანეს, რომელსაც პირველადი დახმარება აღმოუჩინეს და კატასტროფის ბრიგადით თბილისში, ღუდუშაურის კლინიკაში გადაიყვანეს.
„00:01 საათზე შემოვიდა პოლიციის თანხლებით. პაციენტი შოკურ მდგომარეობაში იყო. საკმაოდ სერიოული დაზიანებები ჰქონდა, ფაქტობრივად მტევნები ჰქონდა მოცლილი და მიკროქირურგიული ოპერაციის საჭიროება ჰქონდა“, – ამბობს იგი.
„ხელი არ დაუკარგავს. ჯერჯერობით არის რეაბილიტაციის პროცესში და ცოტა ხანში გვეცოდინება რომელი თითი შენარჩუნდება და რომელი ვერა“, –განაცხადეს ღუდუშაურის კლინიკის საზოგადოებასთან ურთიერთობის სამსახურში გამოცემასთან.
კომენტარები