დემოკრატი ჯო ბაიდენი პირველი პრეზიდენტია შეერთებული შტატების ისტორიაში, რომელმაც არჩევნებში 80 მილიონი ხმა მიიღო.
ამერიკული მედიის ინფორმაციით, ჯო ბაიდენს 80 011 351 ამომრჩეველმა, ხოლო დონალდ ტრამპს 73 881 795 ამომრჩეველმა დაუჭირა მხარი.
საპრეზიდენტო არჩევნები აშშ-ში 3 ნოემბერს ჩატარდა, სადაც სახელმწიფოს მეთაურის პოსტზე მთავარი პრეტენდენტები დემოკრატი ჯო ბაიდენი და მოქმედი პრეზიდენტი, რესპუბლიკელი დონალდ ტრამპი იყვნენ.
7 ნოემბერს წამყვანმა ამერიკულმა მედიასაშუალებებმა – ABC News, FOX News, CNN, AP და NBC – მა ჯო ბაიდენი გამარჯვებულად გამოაცხადეს, თუმცა მოქმედი პრეზიდენტი დონალდ ტრამპი მის გამარჯვებას არ აღიარებს და ბრძოლას განაგრძობს. აშშ-ის საპრეზიდენტო არჩევნების საბოლოო შედეგები ოფიციალურად ჯერ არ გამოცხადებულა, თუმცა, ხანგრძლივი მოლოდინის შემდეგ, სახელმწიფო სერვისების სააგენტომ 24 ნოემბერს ჯო ბაიდენი 2020 წლის საპრეზიდენტო არჩევნებში გამარჯვებულად გამოაცხადა. შესაბამისად, მოქმედმა პრეზიდენტმა დონალდ ტრმაპმაც ხელისუფლების გადაცემის პროცესის დაწყებაზე თანხმობა განაცხადა.
კომენტარები