თავდაცვის ყოფილი მინისტრი ბაჩო ახალაია თავისუფალია. ახალაიამ რუსთავის N 12 პენიტენციური დაწესებულება რამდენიმე წუთის წინ დატოვა.
ჟურნალისტების კითხვაზე რას აპირებს და რა მიზანი აქვს თავისუფლებაზე გამოსვლის შემდეგ, ახალაიამ უპასუხა, რომ პოლიტიკაში წასვლას არ აპირებს.
პოლიტიკოსობას არ ვაპირებ ნამდვილად, ეგ არ არის ჩემი საქმე. აგერ მიდგას გვერდზე მიზანი და ჩემი შვილები. ეს არის მთავარი ამოცანა. ცოტა ფეხზე დადგომა მინდა, ძლივს ვდგავარ ახლა, გადაღლილი ვარ ძალიან. მე კეთილსინდისიერად, პატიოსნად ვემსახურე მთელი ჩემი ხოვრება ამ ქვეყანას. 41 წლის ვარ და მეტი მე სხვა არაფერი მიკეთებია, – თქვა ახალაიამ.
ყოფილი თავდაცვის მინისტრი მიხეილ სააკაშვილის საკითხსაც შეეხო და თქვა, რომ მესამე პრეზიდენტის ციხეში ყოფნა ქვეყნის სირცხვილია.
სირცხვილის გრძნობა მაქვს ძალიან დიდი. იმ ქვეყნის მოქალაქე რომ ვარ, რომელსაც ასეთი კაცი აქ უზის, – თქვა ახალაიამ.
კომენტარები