ბაჩიაშვილის საქმეზე დაკავებულ მძღოლს, შოთა ქარუმიძეს პატიმრობა შეეფარდა. გადაწყვეტილება საქმის მოსამართლე ირაკლი ხუსკივაძემ ადგილზე თათბირის საფუძველზე მიიღო.
პროკურატურა ბრალდებულისთვის აღკვეთის ღონისძიების სახით პატიმრობის გამოყენების ითხოვდა.
პროკურორის ინფორმაციით, შოთა ქარუმიძეს შესრულებული სამუშაოსთვის 30 000 ლარი გადაუხადეს.
“დედაჩემი არის ცუდად, ამასაც თუ გაითვალისწინებთ, კარგი იქნება. უჩემოდ უჭირს გადაადგილება. ვთანამშრომლობ და ვითანამშრომლებ, რომ არ მდომოდა თანამშრომლობა, დუმილის უფლებით ვისარგებლებდი. პირიქით, წავედი თანამშრომლობაზე. მიმალვის საშიშროება არ არის,” – თქვა ქარუმიძემ სასამართლო პროცესზე.“
როგორც საქმის პროკურორი ანი ხახანაშვილი განმარტავდა, ქარუმიძის მიმართ პატიმრობის გამოყენების როგორც ფორმალური, ასევე ფაქტობრივი საფუძვლები არსებობს.
პროკურორის თქმით, ბრალდებულის მხრიდან მიმალვის, ახალი დანაშაულის ჩადენისა და მტკიცებულებების განადგურების საფრთხე არსებობს.
შემდეგი სასამართლო პროცესი 1 მაისს გაიმართება.
კომენტარები