აზერბაიჯანის თავდაცვის სამინისტრო განცხადებას ავრცელებს

3 ნოემბრის დღისით და 3 ნოემბრის ღამით, სომხეთის შეიარაღებულმა ძალებმა სხვადასხვა იარაღიდან, მათ შორის ქვემეხიდან და ნაღმტყორცნებიდან, აზერბაიჯანის არმიის ქვედანაყოფების პოზიციებზე ფრონტის სხვადასხვა მიმართულებით და დასახლებულ პუნქტებს ცეცხლი გაუხსნეს, – ამის შესახებ აღნიშნულია განცხადებაში, რომელსაც აზერბაიჯანის თავდაცვის სამინისტრო ავრცელებს.

უწყების ინფორმაციით, საბრძოლო მოქმედებები ძირითადად გრძელდებოდა ფრონტის აღდერეს, აღდერეს ხოჯავენდის, ზანგილანისა და გუბადლის მიმართულებით.

“აზერბაიჯანის არმიის კონტრშეტევითი ოპერაციების შედეგად, სომხეთის არმიამ დიდი დანაკარი განიცადა და იძულებული გახდა, უკან დაეხია

დღის განმავლობაში ფრონტის სხვადასხვა მიმართულებით განადგურდა და მწყობრიდან გამოვიდა დიდი რაოდენობით ცოცხალი ძალა, 2 ტანკი დ-30, საზენიტო დანადგარი “ზასტავა ემ-55, 1 ტაქტიკური საზენიტო დანადგარი, 3 საბრძოლო სატვირთო მანქანა.

ამჟამად ჩვენი ჯარები ოპერატიულ ვითარებას აკონტროლებენ”, – აღნიშნულია განცხადებაში.

აზერბაიჯანის თავდაცვის სამინისტროს ინფორმაციით, ამჟამად სომხეთის შეიარაღებული ძალები ტერტერსა და აღჯაბედს ესვრიან.