ავსტრიის კანცლერმა, სებასტიან კურცმა თანამდებობიდან გადადგომის შესახებ განაცხადა.
გავრცელებული ინფორმაციით, კურცმა მთავრობის მეთაურობა ევროპისა და საგარეო საქმეთა მინისტრს, ალექსანდრე შალენბერგს შესთავაზა.
რამდენიმე დღით ადრე, კურცის გადადგომა მოითხოვეს ავსტრიის ოპოზიციურმა პარტიებმა პარლამენტში.
ცნობისთვის, ავსტრიის პროკურატურამ, განაცხადა, რომ იძიებს სებასტიან კურცისა და კიდევ ცხრა სხვა პირის საქმეებს, რომლებიც ეჭვმიტანილი არიან ქრთამის აღებასა და კორუფციაში. გამოძიების ინფორმაციით, 2016 წლიდან 2018 წლამდე ქვეყნის ფინანსთა სამინისტრომ გამოიყენა საბიუჯეტო სახსრები ავსტრიულ გაზეთში რეკლამების დასაფინანსებლად, რაც კურცის პარტიის სასარგებლოდ გამოკითხვის განთავსებას ისახავდა მიზნად.
კომენტარები