ავღანეთში 5.5 მაგნიტუდის ახალი მიწისძვრა მოხდა, რომლის შედეგადაც დაღუპულთა რაოდენობა უკვე 1411-ს აღწევს, დაშავებულია 3124 ადამიანი, დანგრეულია 5400-ზე მეტი სახლი.
ბიძგები დაფიქსირდა 10 კილომეტრის სიღრმეზე, იმავე რეგიონში, სადაც ორიოდე დღის წინ მომხდარმა მიწისძვრამ ათასობით ადამიანი შეიწირა.
ახალმა მიწისძვრამ მოსახლეობაში პანიკა გამოიწვია. მაშველებმა სამუშაოების გაგრძელება ქვისცვენის გამო დროებით შეწყვიტეს, თუმცა ადგილობრივები კვლავ ცდილობენ ნანგრევებში გადარჩენილების პოვნას.
ეს იყო ავღანეთში ბოლო წლების ერთ-ერთი ყველაზე დამანგრეველი მიწისძვრა, რომელმაც მთიან სოფლებში სახლები მთლიანად გაანადგურა.
სპეციალისტები ვარაუდობენ, რომ მსხვერპლის რაოდენობა შესაძლოა კიდევ გაიზარდოს.
კომენტარები