ავტოსაგზაო შემთხვევა ნინოწმინდის მუნიციპალიტეტის სოფელ ეფრემოვკასა და ჟდანოვაკანის დამაკავშირებელ გზაზე. ინფორმაციას რადიო NOR-ზე დაყრდნობით “სამხრეთის კარიბჭე” ავრცელებს და წერს, რომ ე.წ. მინივენის ტიპის მანქანა ასფალტის საპრეს მანქანას დაეჯახა, რომელშიც ოთხი ადამიანი იჯდა.
არსებული ინფორმაციით, სამი დაშავებული ნინოწმინდის ჰოსპიტალში სხვადასხვა დაზიანებებით შეიყვანეს, რომელთაგან ორი მალევე გაეწერა, ერთი კი სასწრაფო–სამედიცინო დახმარების ჯგუფმა გორის ჰოსპიტალში გადაიყვანა. დაშავებულების მდგომარეობა დამაკმაყოფილებელია.
გზაზე, სადაც ავტოსაგზაო შემთხვევა მოხდა, სარეაბილიტაციო სამუშაოები მიმდინარეობს, რომელსაც „ჯავახავტოგზა“ ასრულებს. კომპანიაში აცხადებენ, რომ მსუბუქი ავტომობილი, რომელშიც მგზავრები ისხდნენ, მაღალი სიჩქარით მოძრაობდა.
თვითმხილველების ინფორმაციით კი, შემთხვევის ადგილას არ ყოფილა განთავსებული სპეციალური აღმნიშვნელი დროებითი ნიშანი, რაც მომავალ მანქანებს მიმდინარე სამუშაოების შესახებ მიანიშნებდა.
კომენტარები