გიგა ავალიანის მკვლელობის საქმეზე დაკავებული ერთ-ერთი მოზარდის – გ.რ.-ს ადვოკატი, კახა წერეთელი ადასტურებს, რომ პროკურატურის მიერ გუშინ გავრცელებულ ახალ კადრებში მისი დაცვის ქვეშ მყოფია.
გუშინ პროკურატურამ გაავრცელა ინფორმაცია, რომ მოკლული მასწავლებლის საქმეზე დაკავებული მოზარდები სხვა ჯგუფურ ძალადობას აორგანიზებდნენ და შემდეგ მასში იღებდნენ მონაწილეობას. უწყებამ გაავრცელა კადრებიც.
რაც შეეხება ავალიანი ეპიზოდში ბრალდების დამძიმებას, მიგვაჩნია, რომ არ შეესაბამება კანონის მოთხოვნებს, იმიტომ, რომ საქმე უკვე სასამართლოშია და ამ ეპიზოდში არ ითვალისწინებს კანონდარღვევას. რაც შეეხება ახალ ბრალს, გადმოგვეცა მასალები, საკმაოდ მოცულობითია და გავეცნობით. ვიდეოში რა თქმა უნდა ფიგურირებს ჩემი დაცვის ქვეშ მყოფი. დეტალებზე, რას ამბობს, ახლა თავს შევიკავებ. მასალები არის ძალიან ბევრი და დეტალურად არ ვიცნობ, როამდენ ეპიზოდში ფიგურირებს”, – ამბობს გ.რ-ს ადვოკატი, კახა წერეთელი.
პროკურატურა მასწავლებლის საქმეზე ბრალდებულებს ჯგუფური ძალადობის სხვა 4 ეპიზოდში მონაწილეობასაც ედავება.
საგამოძიებო უწყებაში თქვეს, რომ მათ მოიპოვეს და გაავრცელეს ავალიანის საქმეზე ბრალდებულების – ალექსანდრე გაბაშვილის, გიორგი რიკაძისა და დემეტრე ჩიქოვანის მონაწილეობით ჯგუფური ძალადობის სხვა ეპიზოდების ამსახველი ვიდეო.
კადრში ახალგაზრდა რომელსაც თან სხვადასხვა ტიპის ცივი იარაღი აქვს.
გამოძიება ამტკიცებს, ერთ-ერთი ძალადობრივი ეპიზოდის ამსახველი ვიდეო გიორგი რიკაძისა და დემეტრე ჩიქოვანის მობილურ ტელეფონში ინახებოდა.
კომენტარები