ბათუმში კორონავირუსით კიდევ ერთი ექიმი გარდაიცვალა. 63 წლის კაცი ბათუმის რესპუბლიკური საავადმყოფოს ტრავმატოლოგი იყო და ამავე კლინიკაში მკურნალობდა.
მას თანმდევი დაავადება ჰქონდა და კლინიკაში ორი დღის წინ მოათავსეს.
ბოლო მონაცემებით, აჭარაში COVID19-მა სამედიცინო სფეროს რვა წარმომადგენელი იმსხვერპლა.
ამ დროისთვის ქვეყანაში კორონავირუსის 169649 შემთხვევაა დადასტურებული. გამოჯანმრთელებულთა რაოდენობა 141 392-ს შეადგენს. გარდაიცვალა 1 576 მოქალაქე.
კარანტინის რეჟიმშია 1186 მოქალაქე, სტაციონარში მეთვალყურეობის ქვეშ 6829 პაციენტი. კოვიდ-სასტუმროში 3759 ადამიანი იმყოფება.
კომენტარები