თეთრმა სახლმა რუსეთის მიერ უკრაინაში შეჭრის გამო, სანქციების ახალი პაკეტი გამოაცხადა.
სანქციების სამიზნეა – რუსეთის მთავრობის წარმომადგენლებისა და ვლადიმერ პუტინთან დაახლოებული ელიტები, ასევე, პრეზიდენტთან დაკავშირებული რამდენიმე იახტა.
– სანქციები უწესდება რუს ბიზნესმენს, გოდ ნისანოვს, რომელსაც აშშ-ის სახელმწიფო მდივანი, ენტონი ბლინკენი უწოდებს: „ევროპის ერთ-ერთ უმდიდრეს კაცს და რამდენიმე რუსი ჩინოვნიკის მჭიდრო თანამოაზრეს“ და რუსეთის საგარეო საქმეთა სამინისტროს სპიკერს, მარია ზახაროვას.
– სახაზინო დეპარტამენტის საგარეო აქტივების კონტროლის ოფისმა გამოავლინა ორი იახტა,რომელიც სანქციების ქვეშ მოექცევა: „რუსეთის დროშის ქვეშ მყოფი Graceful და კაიმანის კუნძულების დროშის ქვეშ მყოფი Olympia“, როგორც „დაბლოკილი საკუთრება, რომლითაც პრეზიდენტი ვლადიმერ პუტინი დაინტერესებულია“.
– სანქციები ასევე ეხება ორ სხვა იახტს, Shellest-სა და Nega-ს, ორივე რუსული კომპანიების საკუთრებაშია.
– სანქციები შეეხება პუტინის „ახლო მეგობარს“ სერგეი პავლოვიჩ როლდუგინს, რომელიც პუტინის ერთ-ერთი ქალიშვილის ნათლიაა, ისევე როგორც როლდუგინის ცოლი, ელენა იურიევნა მირტოვას. როლდუგინი პეტერბურგის მუსიკის სახლის სამხატვრო ხელმძღვანელია, მირტოვა კი ოპერის სოპრანოა.
– სანქციების სიაში მთავრობიდან მოხვდა: რუსული სახელმწიფო ავიაციის კომპანიის პრეზიდენტი იური სლიუსარი; ვიტალი საველიევი, ტრანსპორტის მინისტრი; მაქსიმ რეშენნიკოვი, ეკონომიკური განვითარების მინისტრი; ირეკ ენვაროვიჩ ფაიზულინი, მშენებლობის, საბინაო და კომუნალური მომსახურების მინისტრი; და დიმიტრი იურიევიჩ გრიგორენკო, ვიცე-პრემიერი.
სანქციები შეეხება Severgroup-ს ხელმძღვანელს, ალექსეი მორდაშოვს და მისი ოჯახის სამ წევრს. – ეს არის მრავალმილიარდ დოლარიანი რუსული საინვესტიციო კომპანია, რომელსაც აქვს ჰოლდინგი და შვილობილი კომპანიები: მეტალურგიაში, სამთოინჟინერიაში, ტურიზმში, ბანკში, მედიასა და ფინანსებში და სხვა სექტორებში.
კომენტარები