აშშ-ის სადაზვერვო საზოგადოება მიიჩნევს, რომ კორონავირუსი არ იყო შემუშავებული როგორც ბიოლოგიური იარაღი. ამის შესახებ აშშ-ის სადაზვერვო საზოგადოების ანგარიშშია ნათქვამი.
აშშ-ის სადაზვერვო საზოგადოებაში აცხადებენ, რომ კორონავირუსის ზუსტი წარმოშობის შესახებ საბოლოო დასკვნამდე ვერ მივიდნენ.
„ყველა არსებული სადაზვერვო და სხვა ინფორმაციის შესწავლის შემდეგ, სადაზვერვო საზოგადოება გაყოფილია კორონავირუსის ყველაზე წარმოშობის საკითხზე. ყველა სააგენტო მიიჩნევს, რომ ორი ჰიპოთეზაა დასაშვები: ბუნებრივი კონტაქტი ინფიცირებულ ცხოველთან და ლაბორატორიასთან დაკავშირებული ინციდენტი“, – აღნიშნულია ანგარიშში.
ანგარიშში ასევე ნათქვამია, რომ სადაზვერვო საზოგადოება ვერ შეძლებს უფრო ზუსტი დასკვნის გაკეთებას, თუ ჩინეთიდან უფრო მეტ ინფორმაციას არ მიიღებს. გარდა ამისა, აშშ-ის სადაზვერვო საზოგადოება ასევე მიიჩნევს, რომ ჩინეთის ოფიციალურ პირებს ვირუსის შესახებ ინფორმაცია მის აფეთქებამდე არ ჰქონდათ.
30 მარტს ჯანდაცვის მსოფლიო ორგანიზაციამ კორონავირუსის წარმოშობის შესახებ ანგარიში გამოაქვეყნა. ანგარიშში აღნიშნულია, რომ ვირუსის ლაბორატორიაში ინციდენტის შედეგად წარმოშობის ვერსია ნაკლებად სავარაუდოა.
24 აგვისტოს აშშ-ის პრეზიდენტს, ჯო ბაიდენს კორონავირუსის წარმოშობის შესახებ აშშ-ის სპეცსამსახურების ანგარიში წარუდგინეს.
კომენტარები