ასეთი რამე რომ ადამიანს აზრად მოუვა ის უბრალოდ კრიმინალია – რევაზ ბოჭორიშვილი

საფრანგეთში მოღვაწე ქართველი ექიმი რევაზ ბოჭორიშვილი საკუთრ ფეისბუქ გვერდზე ერთ-ერთი ანტივაქსერი ქართველის მოწოდების ტექსტს აქვეყნებს. ბოჭორიშვილი  აღნიშნავს, რომ პოსტი თავისი შინაარსით კრიმინალს შეიცავს და სასწრაფო რეაგირებას ითხოვს.

პოსტის ავტორი, ვინმე „არტ გეორგია ნინო“ ანტივაქსერებს მოუწოდებს გაერთიანდნენ და ფაიზერის ვაქცინეზე დარეგისტრირდნენ.
„დავჯავშნოთ ეს 500 000 დოზა ვაქცინა.
 გაუქმება შეგვიძლია დანიშნულ დღეს.
შემდეგ ჯავშანი ისევ.
დრო უნდა მოვიგოთ ხალხის ინფორმირებისათვის,“- ნათქვამია პოსტში.

რევაზ ბოჭორიშვილს მიაჩნია, რომ ეს მოწოდება ბოროტებაა და ამის აღსაკვეთად სასწრაფო ზომებია მისაღები.
„ყველაფერს აქვს ზღვარი.
ძლივს ვაქცინა გაჩნდა, ძლივს ჩაწერის საიტი ამუშავდა…და აი ასეთი რამე რომ ადამიანს აზრად მოუვა… ის უბრალოდ კრიმინალია.
არ გინდა აცრა, იდიოტი ხარ, ბოდვა ანთხიე მაგრამ ასეთი ბოროტების მოფიქრება???
თან 50 საერთო მეგობარი მყოლია.
რა უნდა გაკეთდეს ამის აღსაკვეთად?“- წერს ბოჭორიშვილი.

ცნობისათვის, აშშ-ის მთავრობის მიერ საქართველოსთვის საჩუქრად გადმოცემული “ფაიზერის” 500 000 დოზა საქართველოში 24 ივლისს შემოვიდა.
“ფაიზერით“ ვაქცინაციის პროცესი დღეიდან დაიწყო. მოქალაქეებს აცრა საქართველოს მასშტაბით 37 სამედიცინო დაწესებულებაში შეუძლიათ.