„ლეიბორისტული პარტიის“ ლიდერი შალვა ნათელაშვილი პარლამენტის საპროცედურო საკითხთა კომიტეტის დღევანდელი დასკვნას გამოეხმაურა, რომლის თანახმად, შალვა ნათელაშვილს სადეპუტატო უფლებამოსილება უნდა შეუწყდეს.
„ასეთი რამ არც ერთ ეპოქაში, არც ერთ ქვეყანაში არ მომხდარა და რა თქმა უნდა, ჩვენ ამ გადაწყვეტილებას ველოდებოდით. ხომ ნახეთ, როგორ ეშინიათ ჩვენი, როგორ ეშინიათ ერთი დეპუტატის. ამის შემდეგ ვინმე დაიჯერებს, რომ „ლეიბორისტულ პარტიას“ ივანიშვილი ფრაქციის სახით შეუშვებდა იქ, არჩევნებს არ გააყალბებდა, არ მოახდენდა მასობრივ ფალსიფიცირებას და არ მისცემდა დავალებას, რომ ჩვენი ფეხი არ ყოფილიყო პარლამენტში. ვიდრე ეგონათ, რომ იქ არ შევიდოდი, გაცდენები საპატიოდ მიდიოდა, უფლებამოსილების შეწყვეტაზე უარიც მითხრეს. როგორც კი გაიგეს, რომ ჩვენ მოსახლეობაში გამოკითხვა დავიწყეთ შესვლა-არშესვლაზე, იმავე წუთს გამოგვეხმაურნენ უფლებამოსილების შეწყვეტის საკითხზე, ამჯერად საპროცედურო კომიტეტის დონეზე და აპირებენ ამის პარლამენტში გატანას“, – განაცხადა შალვა ნათელაშვილმა.
კომენტარები