“ასეთი დავალება უკვე გაცემული აქვს მათ “ფიურერს” – ზაალ ანჯაფარიძე

პოლიტოლოგი ზაალ ანჯაფარიძე სოციალურ ქსელში მმიმრთვას ავრცელებს.
როგორც ანჯაფარიძე წერს, Facebook-ის ანალიზიდანაც კი ჩანს, რომ სააკაშვილი, ენმ და მათი ღია თუ ლატენტური მომხრეები საკუთარი და არამხოლოდ საკუთარი რესურსების სრულ მობილიზაციას ახდენენ.
“აქაური Facebook-ს ანალიზიდანაც კი ჩანს, რომ სააკაშვილი, ენმ და მათი ღია თუ ლატენტური მომხრეები ახდენენ საკუთარი და არამხოლოდ საკუთარი რესურსების სრულ მობილიზაციას, რადგანაც მათთვის მათივე წარმოდგენაში, როგორც ჩანს ეხლა დადგა ბოლო შანსი დაეუფლონ ძალაუფლებას რევოლუციის გზით.

ამას უკვე აღარც მალავენ, რადგანაც 30 ოქტომბერს არჩევნების მერე თავისუფლების მოედანზე მიტინგზე შეკრება არის უკვე იმის ინდიკატორი, რომ არჩევნების შედეგებს, რომელშიც დიდი ალბათობით დამარცხდებიან, არ აღიარებენ და დაიწყებენ, ამჯერად სააკაშვილის საქართველოში ყოფნის პირობებში მორიგ რევოლუციას. ასეთი დავალება უკვე გაცემული აქვს მათ “ფიურერს.”
თუმცა, “ხავერდოვანი რევოლუციის” სახელმძღვანელოებში გაწერილი ინსტრუქციები და მეთოდები მუშაობენ იქ და მაშინ, სადაც და როდესაც არ მუშაობს სახელმწიფო და მისი ინსტიტუტები (როგორც ეს იყო 2003 წელს), სადაც პასიონარულ რევოლუციურ უმცირესობას არ ხვდება უმრავლესობის მტკიცე და გადაულახავი წინააღმდეგობა. ამის გამო არაერთ ქვეყანაში ჩაფლავდა რევოლუცია, მიუხედავად იმისა რომ სპონსორებმა მილიონები დაახარჯეს.
ასე რომ, ჩვენს საზოგადოებაზე, უფრო სწორად მის უმრავლესობაზეა დიდწილად დამოკიდებული ბევრი რამ თუ ყველაფერი არა,” – წერს ზაალ ანჯაფარიძე.