“ქართული ოცნების” დეპუტატი, გურამ მაჭარაშვილი საქართველოს მესამე პრეზიდენტთან დაკავშირებით ევროპის სახალხო პარტიის (EPP) განცხადებას ეხმაურება და ამბობს, რომ მათ მიხეილ სააკაშვილის მიმართ “სუბიექტური დამოკიდებულება აქვთ”.
მისი თქმით, არცერთ ოფიციალურ საერთაშორისო ინსტიტუციას და არც პარტნიორებს მესამე პრეზიდენტის მდგომარეობა არ მოუკითხავთ.
“სახალხო პარტია არის ის პარტია, სადაც გაერთიანებულია “ნაციონალური მოძრაობა”, აქედან გამომდინარე მემგონი ცხადია, რომ სუბიექტური დამოკიდებულება ამ პარტიის წარმომადგენლების, არ გვიკვირს ეხლა საქართველოში. არცერთი ოფიცილური საერთაშორისო ინსტიტუცია, მათ შორის არც ჩვენი პარტნიორები, არცერთ მათგანს, საერთოდ არც კი მოუკითხავთ მიხეილ სააკაშვილის მდგომარეობა, აქედან გამომდინარე, კიდევ ერთხელ ვამბობთ, ჩვენ ამით არც ვვაჭრობთ, არც ვსპეკულიანტობთ”, – თქვა გურამ მაჭარაშვილმა.
კომენტარები