“ნაციონალური მოძრაობის” თავმჯდომარე ნიკა მელია “სახალხო მოძრაობის” ლიდერს თაკო ჩარკვიანს პასუხობს,რომელმაც დღეს ოპოზიციონერი მერობის კანდიდატის მიმართ წყენა გამოხატა. ამის შესახებ ნიკა მელიამ “ტვ პირველის” ეთერში განაცხადა, რითიც ჟურნალისტის კითხვას უპასუხა.
როგორ მელია აღნიშნავს, მისასალმებელია ყველა აქცია, რომელიც ყოფილი პრეზიდენტის გათავისუფლების მოთხოვნით იმართება.
“უამრავი საორგანიზაციო საკითხით ვარ დაკავებული, მე არა მხოლოდ თბილისის მერობის კანდიდატი ვარ. მე ვფიქრობ, რომ მისასალმებელია ყველა ის აქცია, რომელიც სხვადასხვა ჯგუფის მიერ მიხეილ სააკაშვილის გათავისუფლების თაობაზე ტარდება. ამის მიღმა თავს შევიკავებ კომენტარის გაკეთებისგან, არც ვიცი რა გითხრათ,”– განაცხადა ნიკა მელიამ.
“სახალხო მოძრაობის” ლიდერმა თაკო ჩარკვიანმა, “ნაციონალური მოძრაობის” თავმჯდომარეს, თბილისის მერობის კანდიდატს ნიკა მელიას მიმართა და უთხრა, მან გამოცდა ვერ ჩააბარა, ვინაიდან დღევანდელა ქციაზე არ იმყოვებოდა.
“შენ, ჩემო მომავალო თბილისის მერო დღეს აი აქ უნდა მდგარიყავი და შენ გამოცდა ვერ ჩააბარე, მაგრამ მე 14 ოქტომბერს აუცილებლად მოვალ და გასწავლი, რომ საქართველოსთვის გამოცდა რუსთაველზე ბარდება”, – განაცხადა ჩარკვიანმა.
კომენტარები