წყნეთის გზაზე მოკლული ბიზნესმენის, ლევან კაჭარავას ოჯახის ახლობელი, ლალი აბრამია – ქურდოვანიძე ფეისბუქზე ფოტოს აქვეყნებს, ლევან კაჭარავას მკვლელობასთან დაკავშირებით აგორებულ ვერსიებს პასუხობს და წერს:
“მეგობრები წყნეთში, სულ რაღაც 8-9 თვის წინ.
ეს ფოტო იმათთვის დავდე, ვინც ბოროტ ჭორებს ავრცელებს ლევან კაჭარავასა და გიორგი რამიშვილის ურთიერთობაზე. ისინი, ბავშვობიდან ძმები იყვნენ და ასე იყვნენ დღემდე. ბიზნესში გაყოფა არ ნიშნავს მტრობას… გაიგეთ ეს ყველამ და განსაკუთრებით ჟურნალისტებმა, რომლებიც ჭორის დონეზე ყურმოკრულს, გადაუმოწმებლად ავრცელებთ ტელევიზიებში.
ამ ფოტოზე პირველ რიგში, ლევანი, ანუ “ტილიკა” ზის მარჯვნიდან მე-5-ე და ტორტს მიირთმევს, გიორგი, ანუ “ზარალა” კი მე-8-ე.
არც კი იცით, რატომ ჰქვიათ ეს ზედმეტსახელები ან ერთს და ან მეორეს.
ლევანი ბავშვობიდან ძალიან მაგარი მოთხილამურე იყო. იმ პერიოდში, მთელ მსოფლიოში ცნობილი მოთხილამურე გახლდათ, გვარად “TILI” – ტილი. ლევანი იმდენად კარგად იდგა თხილამურებზე, პროფესიონალურად სრიალებდა და მთის წვერიდან ისე ლამაზად ეშვებოდა, რომ აი, ამ ცნობილი მოთხილამურის გვარი დაარქვეს მეგობრებმა.
“ზარალა” კი გიორგის პატარაობიდან ოჯახში შეარქვეს მისიანებმა, იმის გამო, რომ ყველაფერს აფუჭებდა…
კარგად გაიგეთ და დაიმახსოვრეთ ეს იმათმა, ვინც ამ ორი მეგობრის ზედმეტსახელს, თქვენებურად იყენებთ…”
კომენტარები