საქალაქო სასამართლოში დღეს აქტივისტ თეონა ტალახაძის პროცესი გაიმართება. ის პოლიციამ გზის გადაკეტვის ბრალდებით დააკავა. პროცესი გუშინ უნდა გამართულიყო, თუმცა გადაიდო.
თეონა ტახალაძე ამბობს, რომ გზის გადაკეტვაში მონაწილეობა არ მიუღია და არც სახე ჰქონდა ნიღბით დაფარული, თუმცა დაკავებების დროს ჭყლეტვაში მოყვა და ისინი დაიჭირეს.
ქალი ამბობს, რომ იმ შემთხვევაში, თუ იზოლატორში გაამწესებენ, იქიდან გამოსვლის შემდეგ ისევ რუსთაველის გამზირზე დადგება.
22 ოქტომბერს, საღამოს, ვიდექი ტროტუარზე, რუსთაველზე. ახალი მისული ვიყავი, რამდენიმე წუთის, როდესაც დავინახე, რომ ვაჟა გაფრინდაშვილი და სხვა ბევრი ადამიანი უკანონოდ ჩასვეს საპოლიციო მანქნაებში და დააკავეს, მოვყევი ჭყლეტვაში და აღმოვჩნდი ერთ-ერთი იმათგანი, რომელიც დააკავეს უკანონოდ და უმიზეზოდ, რადგან არც გზას ვკეტავდი, არც სახე მქონდა დაფარული და არც ცეცხლსასროლი პირბადე მეკეთა.
რა თქმა უნდა ვაპირებ (რუსთაველზე დგომას).. არ მაქვს უფლება და არ მგონია, ვინმე ფიქრობდეს, რომ ახლა დანებების დროა. პირიქით, ბრძოლა იქნება ბოლომდე. რეჟიმი იმიტომ გვებრძვის, რომ ჩენ ბრძოლას აზრი აქვს, – ამბობს ტალახაძე.
კომენტარები