ოკუპანტებს უკრაინაში საომარი მოქმედებებისთვის საჭირო რესურსი თითქმის ამოეწურათ – ამის შესახებ ინფორმაციას უკრაინული მედია ბრიტანულ საგამოძიებო გამოცემა Bellingcat-ზე დაყრდნობით ავრცელებს.
სააგენტოს ხელმძღვანელის ჰრისტო გროზევის თქმით, რუსეთის ჯარი გასაძლიერებლად რეზერვების გამოყენებას აპირებს, თუმცა მათი ცხელ წერტილში გადაყვანა რთული იქნება.
გროზევის შეფასებით, არსებული შეიარაღებითა და ცოცხალი ძალით რუსეთის ჯარი მხოლოდ 6 მარტამდე გაძლებს, რის შემდეგაც, ჟურნალისტის ვარაუდით, ვლადიმირ პუტინს უკრაინაში მარცხი ელოდება.
ინფორმაციისთვის, უკრაინული მხარის ინფორმაციით, 24 თებერვლიდან 5 მარტამდე რუსეთის სამხედრო დანაკარგი 9 100 ადამიანს აღემატება. ამასთან, რუსეთმა 251 ტანკი, 939 ჯავშანმანქანა, 105 საარტილერიო სისტემა, 33 თვითმფრინავი, 37 შვეულმფრენი და ათეულობით სხვა ტექნიკა დაკარგა.
კომენტარები