ყოფილი პარლამენტარი დავით ზურაბიშვილი:
„რუსული ემიგრაციის ტალღასთან დაკავშირებით.
ძალიან ბევრი გამორბის იმიტომ, რომ დისკომფორტი შეექმნათ სანქციების გამო და არა იმიტომ რომ ვერ ეგუებიან პუტინის რეჟიმს.
თუმცა მათ შორის იქნებიან ისეთებიც, რომლებიც მართლა რეჟიმის წინააღმდეგი არიან.
მე პირადად არ მიმაჩნია სწორად ამ ორი კატეგორიის ხალხის ერთმანეთთან გათანაბრება. შეიძლება ითქვას კატეგორიულად არასწორადაც კი მიმაჩნია მათი ერთ ქვაბში მოხარშვა.
მაგალითად საქართველოდან რომ ჩავიდეს უკრაინაში ადამიანი, ეს დღეები რომ სულ რუსთაველზე იდგა და იქიდან ირაკლი ღარიბაშვილის გამო გამოაგდონ, სწორი იქნება? ვფიქრობ, არა.
მესმის, რომ წამომსვლელთა სელექცია არაა იოლი, მაგრამ იოლი საერთოდ ბევრი რამ არაა ცხოვრებაში. მე საერთოდ მიმაჩნია, რომ წესიერი და პატიოსანი ადამიანი, რუსი იქნება ის, ქართველი თუ უკრაინელი, არ უნდა დაიჩაგროს იმის გამო, რომ სახელმწიფო მოხელეებს მუშაობა ეზარებათ.
ამიტომ, არსებულ სიტუაციაში ვფიქრობ ყველაზე სწორი და რაციონალური გამოსავალი იქნებოდა რუსეთთან საზღვრის ჩაკეტვა, სავიზო რეჟიმის შემოღება და ვიზის მიღების მსურველთა ყოველმხრივი შემოწმება და სელექცია.“
კომენტარები