დღეს დილით რუსმა ოკუპანტებმა უკრაინის ქალაქ ხარკოვს შეუტიეს. გავრცელებული ინფორმაციით, აფეთქებები იყო ქალაქის ცენტრში, რის შედეგადაც სულ მცირე 9 ადამიანი დაშავდა. ოლქის სამხედრო ადმინისტრაციის ხელმძღვანელის, ოლეგ სინებუგოვის თქმით დაშავებულთა შორისაა 11 თვის ბავშვი.
თავდასხმის შედეგად დაზიანდა რამდენიმე შენობა და მანქანა. ადგილობრივმა ხელისუფლებამ ხარკოვის ოლქსა და ქალაქში მცხოვრებლებს თავშესაფრებში დარჩენისკენ მოუწოდა.
ცნობისთვის, ერთი დღით ადრე, 5 ოქტომბერს, რუსეთმა სარაკეტო დარტყმა ხარკოვის ოლქში, სოფელ გროზაში მდებარე კაფე-მაღაზიებზე, განახორციელა, რის შედეგადაც სულ მცირე 51 ადამიანი დაიღუპა .ოლქის პროკურატურის ინფორმაციით, კაფეში ომში დაღუპული სამხედროს ქელეხი მიმდინარეობდა.
კომენტარები