პარლამენტის თავმჯდომარის არჩილ თალაკვაძის ბიძაშვილი და ყოფილი დეპუტატის, ვანო ზარდიაშვილის ცოლისძმა დააკავეს.”მთავარი არხის” ინფორმაციით დაკავება პოლიციისათვის წინააღმდეგობის გაწევის გამო მოხდა. ისინი პატრულმა ბერი სალოსის ქუჩაზე იმ დროს გააჩერა, როცა მოქმედი და ყოფილი მაღალჩინოსნების ოჯახის წევრები ავტომობილით გადაადგილდებოდნენ.
ნუგზარ თალაკვაძე და გრიგოლ აბრალავა პოლიციის მოთხოვნას არ დაემორჩილნენ და ადგილიდან მიმალვა სცადეს, თუმცა სამართალდამცავებმა მათი აყვანა მოახერხეს.
“მთავარი არხის” ინფორმაციით ზარდიაშვილის ცოლისძმას თან ცეცხლსასროლი იარაღი ჰქონდა.
კომენტარები