“არჩევნებში განახლებული გუნდით წარვდგებით – 20-25 ახალი კანდიდატი გვეყოლება”

საპარლამენტო  უმრავლესობის წევრმა, პარტია „ქართული ოცნების“  აღმასრულებელმა  მდივანმა, ირაკლი კობახიძემ მედიასთან განაცხადა:

„შემდეგ საპარლამენტო არჩევნებში ამომრჩევლის წინაშე განახლებული  გუნდით წარვდგებით. ეს ძალიან მნიშვნელოვანია, რათა სათანადო მხარდაჭერა მოვიპოვოთ მოსახლეობაში. ეს იქნება ჩვენი წარმატების ერთ-ერთი აუცილებელი პირობა.

ხედავთ, რომ ოპოზიციას ძალიან უჭირს განახლება. ისინი მუდმივად ერთი და  იმავე სახეებით წარდგებიან ხოლმე არჩევნებზე. ჩვენ განახლების რესურსი  გვაქვს და ამაზე აქტიურად ვმუშაობთ. გვაქვს რესურსი, რომ  დეპუტატობის  20-25 ახალი კანდიდატი მაინც წარვადგინოთ საზოგადოების წინაშე. ეს არის  ალბათ ის მინიმუმი, რაზეც აქცენტი უნდა გავაკეთოთ“