“არჩევნები უბრალოდ ქურდულად ამახიეს” – ნანუკა ჟორჟოლიანი

ნანუკა ჟორჟოლიანი ფეისბუქის პირად გვერდზე სტატუსს აქვეყნებს:

“ვანს და ხონს ცოტა ამომრჩეველი ჰყავს. სამტრედიაში რომ ჭიდაობა მოგვიწევდა ფაქტი იყო და კონკურენტისთვის ყველაზე დიდი პრობლემა იყო წყალტუბო, სადაც ყველაზე მეტი ამომრჩეველი ცხოვრობს და ზუსტად იცოდნენ რომ წყალტუბოს ვიგებდი.

არჩევნებამდე ზუსტად 24 საათით ადრე წყალტუბოს საარჩევნო სიას დაემატა 5,554 ამომრჩეველი. (საჩივარი დაწერილია ამ ამბავზე, ჟურნალისტებს დავურეკეთ, გაშუქდა ფაქტი) ანუ, რამდენიმე საათში აღმოაჩინეს რომ წყალტუბოში თურმე თითქმის 6 ათასით მეტი ამომრჩეველი ცხოვრობს.

გაბათილებულია ჩემი 1300-მდე ხმა, მათ შორის ისეთიც კი სადაც გული ეხატა ან, გადაშლილი იყო ყველა სხვა. დაწერილია 300 მდე საჩივარი. ბათილად ვითხოვთ ისეთი ოქმების ცნობას საიდანაც გამქრალია ბიულეტენები და ასლის და ცსკ-ოს მიერ ატვირთული ოქმის ციფრები ერთმანეთს არ ემთხვევა. (პასტითაა გადაკეთებული)

მეორე ტურში რამდენად მეყოფოდა ოპოზიციის საერთო ხმები და რამდენად მოვახერხებდი ბიძინას დამარცხებას არავინ იცის, მაგრამ პირველ ტურში არჩევნები უბრალოდ ქურდულად ამახიეს.”