გვესვრიან რაკეტებს, მათ შორის ბალისტიკურს, ასევე გამოიყენეს ვაკუუმის ბომბი, რაც ჟენევის კონვენციით აკრძალულია, – ამის შესახებ უკრაინის ელჩმა აშშ-ში, ოქსანა მარკაროვამ განაცხადა.
„ნგრევა, რომლისთვისაც რუსეთმა უკრაინა გაწირა კოლოსალური მასშტაბისაა. უკრაინა უმკლავდება, ჩვენ სხვა გამოსავალი არ გვაქვს. არც დავიღლებით, არც გავჩერდებით და არც დავნებდებით. ჩვენ გავაგრძელებთ ჩვენი მიწის დაცვას, ამისთვის კი მეტი იარაღი გვჭირდება, არავის ვთხოვთ ჩვენ ნაცვლად ბრძოლას, ქვეყანას თავად დავიცავთ. რუსეთი ისე მოქმედებს, როგორც ნაცისტური გერმანია მეორე მსოფლიო ომის დროს. მათ ამისთვის პასუხი უნდა აგონ – რუსეთი იზოლაციაში უნდა მოექცეს, – განაცხადა უკრაინის ელჩმა აშშ-ში.
რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო. ქალაქების დაბომბვამდე სულ რაღაც 20 წუთით ადრე რუსეთის პრეზიდენტმა, ვლადიმირ პუტინმა უკრაინას ომი ვიდეომიმართვით ოფიციალურად გამოუცხადა.
კომენტარები