არასრუწლოვანი გოგონას დედის მიერ გავრცელებულ წერილს ეკა კუპატაძე საჯაროდ პასუხობს. მოკლული მასწავლებლის დედა აცხადებს, რომ გუშინ გავრცელებული წერილ ნია იმნაძის ჩვენებას არ ეყრდნობა.
ქალი მოზარდების მშობლების გააქტიურებას ზეწოლას, მუქარას და საქმის გარშემო არსებული ინტერესების გამწვავებას უკავშირებს.
“როგორც მომაწოდეს ინფორმაცია, ნია იმნაძის ოჯახი კარს არ უღებდა, ამასობაში, შესაძლოა, მათ მოახერხეს რომელიმე ელექტრონული მოწყობილობის გადამალვა, იმიტომ, რომ რამდენადაც ვიცი, 10 საათზე შევიდა პოლიცია ყველასთან ერთად, ასე მასობრივად. ეს მე საზოგადოებისგან მოწოდებული ინფორმაცია მაქვს და შესაძლოა, რამე, პატარა არასწორია, მაგრამ, რასაც მეუბნება ხალხი, ძირითადად, ყველაფერი სწორია. და, შესაძლოა, მოახერხეს რაღაცის გადამალვა, იმიტომ, რომ მალევე, ტელეფონის გარეშე ხომ ვერ დაუკავშირდებოდა მის ახლობლებს, რომ მისული იყვნენ და მალევე მათ პოსტიც კი დადეს.
წერილი, რაც გუშინ დაწერეს, აგებული არის ანი ნასყიდაშვილის ჩვენებაზე, ნია იმნაძისაზე არა. მინდა, ერთი რამ ვთქვა, გუშინ დედამისმა რაღაც მუქარის, ასევე შერეული მუქარის პოსტი დადო. რადგან ბავშვთა დაცვის მსოფლიო ორგანიზაცია მონიშნა და თან მე მეუბნება, “ქალბატონო, არ გეკადრებათ, მასწავლებელი ბრძანდებით”… ხედავთ, ხალხო, რა უგუნური არსებაა?!
იცოდნენ, რომ მე მომიკლეს გიგა ავალიანი და ამას არ შევარჩენ არავის! ალექსანდრე გაბაშვილის მამა და ნია იმნაძის დედა, იცით, რატომ გამოჩდნენ ახლა? მათ აიძულათ გიორგი ჩიქოვანმა, ეს არის დემეტრე ჩიქოვანის ძმა, ქუჩის შპანა, და აიძულათ გურამ რიკაძემ, ეს არის გურამ რიკაძესა და გიორგი ჩიქოვანისგან ზეწოლა ალექსანდრე გაბაშვილზე, რომელმაც გვითხრა, რომ თუ არ წამოხვალთ მოლაპარაკებაზე, გადმოვიდნენ მუქარაზე, – ამბობს ეკა კუპატაძე.
გიგა ავალიანის საქმის ერთ-ერთი ფიგურანტის, სკოლის მოსწავლე გოგონას დედა ამტკიცებს, რომ მის შვილს მასწვალების მკვლელობა არ შეუკვეთავს და ამას საქმის მასალებიც ცხადყოფს. ამის შესახებ თამუნა იმნაძე ნავროზაშვილი სოციალურ ქსელში წერს.
ქალი საქმის მასალების გასაჯაროებას ითხოვს და ირწმუნება, რომ მისი შვილის მიმართ ბრალდებები უსაფუძვლო და საზოგადოების შეცდომაში შეყვანის მცდელობაა.
ამასთან, მოკლული მასწავლებლის, გიგა ავალიანის ოჯახი ირწმუნება, რომ ერთ-ერთი დაკავებულის ახლობლები ემუქრებიან. ეკა კუპატაძე ტვ პირველს ეუბნება, რომ მიზეზი მისი მოთხოვნაა – დაუმძიმონ ბრალდება დაჭერილ არასწრულოვნებს.
კომენტარები