„არასოდეს გამიგია, ევროპაში ქართველისთვის 6 წელში 5 სახელმწიფო ჯილდო გადაეცათ“ – ასე ეხმაურება სოციალურ ქსელში ცოტნე გამსახურდიას მეუღლე ანა ჯაბაური, მისი მაზლისთვის, გიორგი გამსახურდიასთვის უკვე მეხუთედ სახელმწიფო ჯილდოზე წარდგენის ფაქტს.
„ექვსი წელზე ცოტა მეტია, რაც გიორგი საქართველოს შინაგან საქმეთა სამინისტროს ატაშეა პოლონეთის რესპუბლიკაში და უკვე პოლონეთის ხუთი სახელმწიფო ჯილდო აქვს მიღებული, რაც შეეხება ორგანიზებულ დანაშაულთან ბრძოლას და კოორდინაციას საქართველოსა და აღმოსავლეთ ევროპულ ინსტანციებს შორის. ვულოცავთ ამჯერადაც!“ – წერს ასევე სოციალურ ქსელში საქართველოს პირველი პრეზიდენტის ვაჟი კოკო გამსახურდია ძმაზე.
ცნობისთვის, 22 ივლისს, პოლონეთის ეროვნული პოლიციის დღისადმი გამართული საზეიმო ღონისძიებების ფარგლებში, საქართველოს პოლიციის ატაშე პოლონეთის რესპუბლიკაში გიორგი გამსახურდია, პოლონეთის შინაგან საქმეთა და ადმინისტარციის მინისტრის მიერ დაჯილდოვდა პოლიციის ცენტრალური საგამოძიებო ბიუროს საიუბილეო მედლით, ორგანიზებულ დანაშაულთან ბრძოლაში შეტანილი განსაკუთრებული წვლილისათვის და პოლიციის ცენტრალური საგამოძიებო ბიუროს საქმიანობაში დახმარებისათვის. გიორგი გამსახურდიას მედალი გადასცა პოლონეთის ეროვნული პოლიციის მთავარი კომენდატურის, პოლიციის ცენტრალური საგამოძიებო ბიუროს კომენდანტმა, გენერალ მაიორ პაველ პულტოჟიცკიმ.
კომენტარები