,,არაფერში ეს არ ჯდება!” – დავით ზურაბიშვილი

ყოფილი დეპუტატი, დავით ზურაბიშვილი სოციალურ ქსელში წერს:

,,თითქოს მესმის ამ ხელისუფლების და პირადად ბიძინა ივანიშვილის მოტივაციები და მოქმედების ლოგიკა. ყოველ შემთხვევაში მგონია რომ მესმის, მაგრამ რა არ მესმის არანაირად და რატომაა გიორგი რურუას ციხეში ყოფნა ასე სასიცოცხლოდ მნიშვნელოვანი ბიძინასა და მისი რაზმისთვის, რომ ამის გულისთვის მზად არიან ევროპაც გადაიკიდონ, ამერიკაც, ანტარქტიდაც, იუპიტერიც, მარსიც და უმალ ვენერა ობოლაშვილის შეწყალებაზე მისცენ ნებართვა, გვარს არ დავასახელებ და პრეზიდენტის ადგილს რომ აფუჭებს იმ ქალს, ვიდრე რურუას გამოშვებაზე დათანხმდნენ? აი, ვერაფრით ვერ ავხსენი: ვერც იმით რომ ეს კარგი პიარია, ვერც პირადი ბოღმით, ვერც სხვადასხვა ტიპის პათოლოგიით თუ სხვადასხვა დონის სიბრიყვით, ვერც ბიძინას კრემლის აგენტობით თუ რუსული პროექტობით. აბსოლუტურად ვერაფრით. არაფერში ეს არ ჯდება.”