ცენტრალური საარჩევნო კომისიის ყოფილი თავმჯდომარე, თამარ ჟვანია უწყებაში აგენტების არსებობას უარყოფს და ამბობს, რომ 2020 წლის არჩევნების შემდეგ არც დიდი ოდენობით თანხა არ აუღია.
ამ თემაზე ნიკა გვარამიას “მთავარ აქცენტებში” სუს-ის მოქმედმა თანამშრომელმა ისაუბრა და თქვა, რომ საარჩევნო კომისიაში და ოლქებში მაქსიმალურად აგენტები მუშაობენ.
“არ მსმენია საერთოდ და რა თქმა უნდა, ესეთ ჭორებზე და ტყუილებზე საერთოდ კომენტარს არ ვაკეთებ, სისულელეა ამის თქმა და საერთოდ მსგავსი რამის დაბრალება ადამიანზე. არანაირი მსგავსი არაფერი არც გამიგია და არც მსმენია, რაღაც გაუგონარ რაღაცას მეკითხებით [აგენტებზე].
არანაირ თანხასთან შეხება არ მქონია” – ამბობს თამარ ჟვანია “მთავართან” საუბარში.
“საზოგადოებრივი ინიციატივების ასოციაციის” დამფუძნებელი, აკაკი ხუსკივაძე კი ამბობს, რომ ჟვანიას მილიონ ლარამდე გადაუხადეს – დაახლოებით 950 000.
მისივე თქმით, მოადგილის ან თავმჯდომარის “ჩასმა” საოლქო საარჩევნო კომისიებში უშუალოდ გიორგი ჯავახიშვილის რეკომენდაციით ხდება, რაც ასევე, სქემის ნაწილია.
„მთავარი“
კომენტარები