“არ ვიცი, რას გულისხმობს ხალხისთვის სირცხვილის დერეფნის მოწყობა” – გიორგი ვაშაძე

“სტრატეგია აღმაშენებლის” ლიდერი გიორგი ვაშაძე “ნაციონალურ მოძრაობას” მოუწოდებს, რომ დანარჩენ ოპოზიციურ პარტიებს სიურპრიზები არ მოუწყონ. ასე გამოეხმაურა იგი „ლელოსა“ და „მოქალაქეების“ წარმომადგენლების მიერ ბათუმში გუშინ გამართული საპროტესტო აქციის დატოვების ფაქტს.

„მესმის, ვინც აქცია დატოვა. მათ პოზიციას ვიზიარებ. „ნაციონალურ მოძრაობას“ მოვუწოდებ, დანარჩენ ოპოზიციურ პარტიებს სიურპრიზების წინაშე ნუ დააყენებენ…”

15 ნოემბერს, ბათუმში ოპოზიციის მიერ გამართული აქცია „ლელოს“ და „მოქალაქეების“ წარმომადგენლებმა პროტესტის ნიშნად დატოვეს, რის მიზეზადაც ტრანსპარანტები „მიშა, ჩამოდი“ დაასახელეს.

ამასთანავე, ვაშაძემ განაცხადა, რომ “ნაციონალური მოძრაობის” მიერ ორგანიზებულ “სირცხვილის დერეფნებზე” ცალკეული ოპოზიციური პარტიები დამოუკიდებლად მიიღებენ გაადაწყვეტილებას.

“სტრატეგია აღმაშენებლის” ლიდერმა, ასევე ისაუბრა “ლეიობორისტული პარტიის” ოფისში გამართულ შეხვედრაზეც და აუდიენციის მთავარ განსახილველ საკითზებზეც.

„გავცვალეთ ინფორმაცია მოლაპარაკების ფორმატსა და შინაარსზე, კვლავ ჩამოვაყალიბეთ საერთო პოზიციები – ოპოზიციის პოზიცია ერთიანია. ვისაუბრებთ აქციებზე, რომელიც იქნება მშვიდობიანი – მეორე ტურების და პომპეოს ვიზიტის. დისკუსია იყო იმ ჩიხურ მდგომარეობაზე, რაც ქვეყანაშია. 21 ნოემბრის აქციაზე ჩამოვყალიბდებით, არ ვიცი, რომელ სირცხვილის დერეფანზე საუბრობთ. ერთიანად ჩამოვყალიბდებით, თუ ცალკეულ პარტიას სხვა პოზიცია ექნება, ეს მათი საქმეა. რომელიმე პარტია ცალკე რა ინიციატივით გამოდის, ეს მისი საქმეა, არ ნიშნავს, რომ ამას ვეთანხმები. საერთო ფორმატში ყველას აზრის გათვალისწინება მოხდება. არ ვიცი, რას გულისხმობს ხალხისთვის სირცხვილის დერეფნის მოწყობა“, – განაცხადა გიორგი ვაშაძემ.